स्काऊट-गाईड जिल्हा कार्यालयात कार्यक्रम

कारवाईची मागणी

जालना : शहरासह परिसरात अवैधरित्या दारूविक्री मोठ्या प्रमाणात होत आहे. तळीरामांमुळे कायदा-सुव्यवस्थेचा प्रश्न निर्माण होत असून, महिलांनाही नाहक त्रास सहन करावा लागत आहे. अवैध दारूविक्रेत्यांवर सातत्याने कारवाई करावी, अशी मागणी होत आहे.

सेलगाव जिल्हा परिषद शाळेत कार्यक्रम

सेलगाव : बदनापूर तालुक्यातील सेलगाव येथील जिल्हा परिषद प्रशालेत संत सेवालाल महाराज यांच्या जयंतीनिमित्त प्रतिमा पूजन करून अभिवादन करण्यात आले. कार्यक्रमास शालेय समितीचे अध्यक्ष संदीप अंभोरे, काकासाहेब अंभोरे, शेख फारुख, मुख्याध्यापक अरविंद खरात राजेंद्र कायंदे, संजीव महेश्री, श्यामराव देशमुख, अशोक मुर्तरकर, जगत घुगे, विनय जोशी, संदानंद शिंदे, प्रकाश औंढेकर, जोत्स्ना बिडकर, मनीषा पाटील, सुनीता पडूळ, मनीषा बोंडले, सीमा कुळकर्णी, स्वाती कोरडे, योगिता दैने यांच्यासह शिक्षक, विद्यार्थी उपस्थित होते.

विस्कळीत सेवेमुळे मोबाईलधारक हैराण

परतूर : शहरासह ग्रामीण भागातील दूरसंचारची सेवा पूर्णत: विस्कळीत झाली आहे. विस्कळीत सेवेमुळे एकमेकांशी संपर्क साधणे मुश्किल झाले असून, इंटरनेटही सुरळीत चालत नाही. इंटरनेटअभावी शासकीय, निमशासकीय कामकाजावरही मोठा परिणाम होत आहे. तरी संबंधित अधिकाऱ्यांनी लक्ष देऊन सुरळीत सेवा पुरवावी, अशी मागणी होत आहे.

अतिक्रमणावर कारवाई करण्याची मागणी

भोकरदन : शहरातील जालना मार्गावरील महावितरण कार्यालयासमोरील नगर परिषदेच्या सर्व्हिस रस्त्यावर अतिक्रमण करून गाळे बांधण्यात आले आहेत. हे अतिक्रमण त्वरित हटवावे, अन्यथा उपविभागीय कार्यालयासमोर उपोषण करण्यात येईल, असा इशारा बाबासाहेब पगारे यांनी दिला आहे. याप्रकरणात प्रशासनाच्या भूमिकेकडे लक्ष लागले आहे.

तहसीलसमोर छावा संघटनेचे धरणे आंदोलन

जालना : तालुक्यातील दगडवाडी परिसरातील राजूर मार्गावरील पोल्ट्री फार्म स्थलांतरित करावे, या मागणीसाठी छावा क्रांतीवीर सेनेच्यावतीने तहसील कार्यालयासमोर उपोषण करण्यात आले. यावेळी किरण चौधरी, जिल्हाध्यक्ष प्रल्हाद भुसारे आदींची उपस्थिती होती. आंदोलकांची प्रदेशाध्यक्ष पंकज जऱ्हाड, मनसे जिल्हाध्यक्ष गजानन गिते, तालुकाध्यक्ष समाधान दराडे, रोषणगावचे सरपंच योगेश शिंदे आदींनी भेट घेऊन चर्चा केली.