Jalana News | Latest Jalana News in Marathi | Jalana Local News Updates | ताज्यबातम्या जालना | जालना समाचार | Jalana Newspaper

जालना : शहर आणि परिसरात रविवारी सांयकाळी ६ वाजेच्या सुमारास जोरदार पावसाने हजेरी लावली. दरम्यान, शनिवारी दिवसा आणि रात्री जिल्ह्यातील जाफराबाद आणि बदनापूर तालुका वगळता सर्वत्र हलकासा पाऊस झाला. त्याची १. ८९ मि. मी. एवढी नोंद झाली आहे. तर जिल्ह्यात आतापर्यंत २८९.६८ मि. मी. पाऊस पडल्याची नोंद झाली.जालना जिल्ह्यात यावर्षी सुरूवातील जून महिन्यानंतर जवळपास सलग २८ दिवस पावसाने उघडीप दिली होती. त्यानंतर दोन दिवस पुनरागमन करून पुन्हा पावसाने दडी मारली होती. त्यामुळे पावसा अभावी खरिपाची पिके वाया गेलेली आहे. दरम्यान पावसाने मागील दोन दिवसांपासून जिल्ह्यात पुन्हा पुनरागम केले आहे. कोठे कमी तर कोठे शिडकावा होत आहे. रविवारी मात्र शहर परिसरात रात्री ६ वाजेच्या सुमारास जोरदार पाऊस सुरू झाला. रात्री उशिरापर्यंत कमी अधिक प्रमाणात पाऊस कोसळत होता. शनिवारी जिल्ह्यातील जाफराबाद व बदनापूर तालुका वगळून सर्वत्र कमी अधिक प्रमाणात पाऊस पडला. त्याची तालुका निहाय नोंद पुढील प्रमाणे (कंसात आतापर्यंत पडलेला पाऊस) जालना १.५० (२८१.५८), भोकरदन - ०.२५ (३३७.७१), परतूर - १.४० (३२४.२), मंठा -०.२५ (३०२.६), अंबड - ९.५७ (३०८.४), घनसावंगी २.१४ (२५८.७१) मि. मी. पडल्याची नोंद झाली आहे. (प्रतिनिधी)जिल्ह्यात पावसाअभावी भीषण दुष्काळी परिस्थिती निर्माण झाली आहे. जिल्ह्यातील २ मध्यम आणि ११ लघु प्रकल्प कोरडे पडलेले आहे. त्यामुळे चारा-पाण्याचा गंभीर प्रश्न शेतकऱ्यांपुढे निर्माण झाला आहे. अशा परिस्थितीत येथून पुढे मोठा पाऊस झाल्यास कोरडे पडलेल्या प्रकल्पात काही अंशी पाणीसाठा होईल. तसेच अन्य प्रकल्पांच्या पातळीतही थोडी वाढ होईल. शेतकऱ्यांसह सर्वच नागरिकांना मोठ्या पावसाच्या प्र्रतीक्षा आहे.

Jalana (Marathi News)

जालना : शहरात चोऱ्यांचे सत्र सुरूच असून मंगळवारी चोरट्यांनी भरदिवसा घरफोडी करून पोलिसांना आव्हान दिले आहे. ...