आन्वा, वाकडी परिसरात गुटखा विक्री

तालुकाध्यक्षपदी खलसे

जलना : मनसेच्या तालुकाध्यक्षपदी कृष्णा खलसे यांची नियुक्ती करण्यात आली. त्यांना जिल्हाध्यक्ष गजानन गिते यांनी नियुक्तीपत्र दिले. यावेळी शहराध्यक्ष बाळू जाधव, तालुकाध्यक्ष सूर्यकांत कलशेट्टी, श्रीकांत राठोड, बालासाहेब मगर आदींची उपस्थिती होती.

अध्यक्षपदी लहाने, तर उपाध्यक्षपदी मोरे

जाफराबाद : तालुका व्यापारी महासंघाच्या अध्यक्षपदी बाबुराव लहाने यांची फेरनिवड करण्यात आली आहे. जिल्हाध्यक्ष हस्तिमल बंब यांच्या अध्यक्षतेखाली झालेल्या बैठकीत ही निवड करण्यात आली. कार्यकारिणीत उपाध्यक्षपदी साहेबराव मोरे, फारेस चाऊस, सचिवपदी उमेश खंडेलवाल यांची बिनविरोध निवड करण्यात आली. यावेळी जिल्हा सचिव जगन्नाथ थोटे, सुरेश जंजाळ, प्रल्हाद लोखंडे, विजय कळंबे, विनायक भोपळे, संजय दीक्षित, अमोल पडघन यांच्यासह व्यापाऱ्यांची उपस्थिती होती.

वसुलीसाठी गेलेल्या लाईनमनला मारहाण

परतूर : कृषी पंपाची वीजबिल वसुली करण्यासाठी लाईनमन दत्ता भोंगाने रविवारी रोहिणा (ता. परतूर) गावात हे गेले होते. त्यावेळी भगवान पाटोळे, नारायण पाटोळे यांनी कॅनमधील काळे ऑईल अंगावर टाकून मारहाण केल्याची तक्रार भोंगाने यांनी परतूर पोलीस ठाण्यात दिली. भोंगाने यांनी दिलेल्या फिर्यादीवरून दोघांविरूध्द गुन्हा दाखल करण्यात आला आहे.

महिलेच्या अंगावरील दागिन्यांची चोरी

अंबड : शहरातील इंदुमती त्र्यंबकराव कळवटे ही महिला रविवारी सकाळी स्वामी समर्थ मंदिरात दर्शनासाठी जात होती. नगर परिषदेसमोर अज्ञात दोघांनी त्यांच्या अंगावर बेशुध्दीची पावडर टाकून त्यांच्या अंगावरील ३० हजार रुपये किमतीचे दागिने लंपास केले. याप्रकरणी काळवटे यांनी दिलेल्या तक्रारीवरून अंबड पोलीस ठाण्यात गुन्हा दाखल करण्यात आला आहे.

राष्ट्रसंत सेवालाल महाराज यांची जयंती साजरी

जालना : पाथ्रूड तांडा येथील जिल्हा परिषद प्राथमिक शाळेत सोमवारी बंजारा समाजाचे आराध्य दैवत राष्ट्रसंत सेवालाल महाराज यांची जयंती साजरी करण्यात आली. यानिमित्त मान्यवरांच्या हस्ते प्रतिमा पूजन करून अभिवादन करण्यात आले. कार्यक्रमास पाथ्रूड ग्रामपंचायतचे माजी सदस्य संतोष राठोड, पंढरीनाथ आढे, मुख्याध्यापक नारायण माहोरे यांच्यासह शिक्षक व ग्रामस्थांची उपस्थिती होती.