अवैध दारू विक्रेत्यांवर कारवाईची मागणी

बदनापूर : छत्रपती शिवाजी महाराज यांची जयंती साजरी करण्यासाठी शासनाने अनेक निर्बंध लादले आहेत. शासनाच्या या निर्णयाचा निषेध करीत निर्बंध उठवावेत, या मागणीसाठी भाजयुमोच्या वतीने बदनापूर पोलिसांना निवेदन देण्यात आले. यावेळी तालुकाध्यक्ष गणेश कोल्हे, नंदकिशोर शेळके, सतीश साबळे, गोविंद नन्नवरे, कृष्णा खरात, राजू निंबाळकर, गोरख रसाळ, किरण खरात, रवींद्र मोरे आदींची उपस्थिती होती.

दिशादर्शक फलक बसविण्याची मागणी

जालना : जालना-औरंगाबाद राष्ट्रीय महामार्गावर अपघाताचे प्रमाण वाढले आहे. महामार्गावरील अनेक ठिकाणचे सूचना फलक, दिशादर्शक फलक गायब झाले आहेत. सूचना फलक, दिशादर्शक फलक नसल्याने वाहन चालकांची गैरसोय होत आहे. शिवाय अपघातप्रणव क्षेत्रात अघाताचा धोका वाढला आहे. त्यामुळे सूचना फलक, दिशादर्शक फलक बसविण्याची मागणी होत आहे.

शिक्षकांचे प्रलंबित प्रश्न सोडविण्याची मागणी

जालना : जिल्ह्यातील पात्र शिक्षकांना निवड श्रेणीसह वरिष्ठ वेतन श्रेणी देण्याबाबत जिल्हा परिषद प्रशासनाकडून केवळ आश्वासने दिली जात आहेत. प्रशासनाने या मागणीसह इतर प्रलंबित प्रश्न सोडवावेत, अशी मागणी प्राथमिक शिक्षक संघाच्या वतीने शिक्षणाधिकारी यांना दिलेल्या निवेदनात करण्यात आली आहे. यावेळी पदाधिकारी, सदस्यांची उपस्थिती होती.

व्यापारी महासंघाच्या अध्यक्षपदी लहाने

जाफराबाद : तालुका व्यापारी महासंघाच्या अध्यक्षपदी बाबुराव लहाने यांची फेरनिवड करण्यात आली आहे. जिल्हाध्यक्ष हस्तीमल बंब यांच्या अध्यक्षतेखाली झालेल्या बैठकीत ही निवड करण्यात आली. कार्यकारिणीत उपाध्यक्षपदी साहेबराव मोरे, फारेस चाऊस, सचिवपदी उमेश खंडेलवाल यांची बिनविरोध निवड करण्यात आली. यावेळी जिल्हा सचिव जगन्नाथ थोटे, सुरेश जंजाळ, प्रल्हाद लोखंडे, विजय कळंबे, विनायक भोपळे, संजय दीक्षित, अमोल पडघन आदींची उपस्थिती होती.