जामखेडमध्ये ८५ दात्यांचे रक्तदान

बायपासवरील पुलाचे काम संथ गतीने सुरू

जालना : शहरातील भोकरदन चौफुलीवरील नवीन मोंढा ते औरंगाबाद बायपास रस्त्यालगत समांतर पुलाचे काम सुरू आहे. या पुलाचे काम संथ गतीने सुरू असून, राजूरकडे जाणाऱ्या वाहन चालकांना याचा त्रास सहन करावा लागत आहे. तरी संबंधितांनी याकडे लक्ष देवून या पुलाचे काम वेळेत पूर्ण करावे, अशी मागणी होत आहे.

शेंडगे विद्यालयामध्ये अभिवादन कार्यक्रम

जालना : शहरातील शिवाजीराव शेंडगे महाविद्यालयात संत श्री सेवालाल महाराज यांची जयंती साजरी करण्यात आली. यावेळी मुख्याध्यापक बालासाहेब आबुज, अर्जुन पवार, कांतराव रांजनकर, डॉ. विठ्ठल पावले यांच्या हस्ते प्रतिमा पूजन करून अभिवादन करण्यात आले. कार्यक्रमास राहुल मुंडे, राजू साळवे, बालाजी भिसे आदींची उपस्थिती होती.

मंठा शहरामधील दिगंबर रंगारी यांचे यश

मंठा : शहरातील रेणुका कला व विज्ञान वरिष्ठ महाविद्यालयातील प्रा. दिगंबर देवाजी रंगारी यांना नुकताच मानसशास्त्र विषयात पीएच.डी. पदवी प्रदान करण्यात आली आहे. त्यांनी डॉ. बाबासाहेब आंबेडकर मराठवाडा विद्यापीठात शोधप्रबंध सादर केला होता. या यशाबद्दल त्यांचे स्वागत होत आहे.

चापनेर येथील व्याख्यानास प्रतिसाद

जाफराबाद : तालुक्यातील चापनेर येथे आयोजित व्याख्यान कार्यक्रमात अक्षय लोखंडे यांनी युवकांना मार्गदर्शन केले. मराठा समाजातील युवकांनी व्यवसायाकडे वळावे, असे आवाहन त्यांनी केले. यावेळी शिवाजी पवार, बालाजी पवार, दिनेश लक्कस, विकास लोखंडे, सरपंच राजेश म्हस्के, विजय तबदे, प्रा. मंगेश लोखंडे, प्रा. योगेश लोखंडे आदींची उपस्थिती होती.