वीजबिल माफीसाठी भाजपची निदर्शने

जयंतीनिमित्त अभिवादन

दानापूर : येथील सम्यक बद्ध विहारात माता रमाई जयंती साजरी करण्यात आली. प्रारंभी माता रमाई यांच्या प्रतिमेचे पूजन करण्यात आले. यावेळी अध्यक्षा मीराबाई राऊत, सोनल राऊत, सुमनबाई पानपाटील, पंचफुलाबाई पैठने, वंदना राऊत आदी उपस्थित होते.

चंदनझिरा येथे एकाची आत्महत्या

चंदनझिरा : फ्लॅटमध्ये राहत असलेल्या एकाने किचनरूममधील वरच्या मजल्याला लागून असलेल्या कडीला दोरी बांधून गळफास घेऊन आत्महत्या केल्याची घटना सोमवारी सायंकाळी ६ च्या सुमारास घडली. सुधीर साळवे असे मृताचे नाव आहे. या घटनेची माहिती मिळताच चंदनझिरा पोलीस ठाण्याचे उपनिरीक्षक प्रमोद बोंडले यांनी घटनास्थळी धाव घेतली.

वाहनचालकांना वाहतूक नियमांचे मार्गदर्शन

जालना : राज्य रस्ता सुरक्षा अभियानांतर्गत आरटीओ कार्यालयाच्यावतीने शिकाऊ वाहनचालकांना सोमवारी वाहतूक नियमांचे मार्गदर्शन करण्यात आले. रस्ते अपघात रोखण्यासाठी वाहन चालवताना हेल्मेट, सीट बेल्ट वापरणे तसेच वाहन कायदा नियमांचे पालन करून वाहने चालवावी, असे आवाहन आरटीओ विजय काळे यांनी केले.

‘बेटी बचाओ, बेटी पढाओ’ योजनेसाठी अर्ज करा

जालना : ‘बेटी बचाओ, बेटी पढाओ’ योजनेसाठी उत्कृष्ट कार्य करणाऱ्या गुणवंत मुलींना अर्ज करण्याचे आवाहन जिल्हा कार्यक्रम अधिकाऱ्यांनी केले आहे. गुणवंत मुलींना पुरस्कार, रोख रक्कम व प्रशस्तिपत्रक वितरित करण्यात येणार आहे. यासाठी विहित नमुन्यातील प्रस्ताव येत्या २२ फेब्रुवारीपर्यंत तालुकास्तरावर बाल विकास प्रकल्प अधिकारी यांच्याकडे सादर करावेत, असे आवाहन केेले.

वाङ‌्मय पुरस्कारासाठी प्रवेशिका सादर करा

जालना : महाराष्ट्र राज्य साहित्य आणि संस्कृती मंडळाच्यावतीने राबविण्यात येत असलेल्या यशवंतराव चव्हाण राज्य वाड्.मय पुरस्कार या योजनेअंतर्गत निवडीअंती २०२० ते ३१ डिसेंबर २०२० या कालावधीत प्रकाशित झालेल्या प्रथम आवृत्ती पुस्तकासाठी प्रवेशिका मागविण्यात आल्या आहेत. जिल्ह्यातील लेखकांनी व प्रकाशकांनी प्रवेशिका सादर करण्याचे आवाहन केले आहे.

अंबड ते शिर्डी पायी दिंडीचे आयोजन

जालना : शहरातील ओमशांती कॉलनीतून शिर्डीकडे पायी दिंडी रवाना झाली. या दिंडीत संदीप आरगडे, कैलास सपकाळ, गोपी घायाळ, संकेत भवर, गोविंद परळकर, अभिषेक मोहळे, बाळू भांदरगे आदी सहभागी झाले आहे. ही पायी दिंडी अंबड, पाचोड, पैठण, शेवगाव, कुकाना, नेवासा, श्रीरामपूर मार्गे शिर्डीला गेली आहे. गावागावांत चहापाणी, फराळ व जेवणाची व्यवस्था ग्रामस्थांनी केली असल्याचे संदीप आरगडे व केलास सपकाळ यांनी सांगितले.,

घरफोडीच्या गुन्ह्यात सातजणांची केली चौकशी

जालना : जालना शहरातील श्रीकृष्ण-रुक्मिणी मंदिर परिसरात एकाच्या घरात घुसून चोरट्यांनी तब्बल १५ लाख २५ हजार रुपयांचा मुद्देमाल पळवला आहे. याप्रकरणी चंदनझिरा पोलीस ठाण्यात गुन्हा दाखल करण्यात आला असून, या प्रकरणात पोलिसांनी संशयित सातजणांची चौकशी केली. परंतु, अजूनही या घरफोडीचा चंदनझिरा पोलिसांना काहीच क्लू मिळाला नाही. यापूर्वीच्याही काही गुन्ह्यांचा तपास पोलीस करत आहे. लवकरच छडा लावण्याचे आश्वासन देण्यात आले.