शंभर भाविकांच्या उपस्थितीत होणार जन्मोत्सव सोहळा

येत्या १५ फेब्रुवारी रोजी श्री गणेश जन्मोत्सव आहे. त्या पार्श्वभूमीवर ८ फेब्रुवारीपासून अखंड हरिनाम सोहळा व रामकथेचे आयोजन करण्यात आले आहे. हरिनाम सोहळ्याला ५५ वर्षांची परंपरा आहे. दरवर्षी लाखो भाविकांच्या उपस्थितीत हा सोहळा साजरा होताे. दररोज अन्नदानाच्या पंगती व महाप्रसादाने सोहळ्याचा समारोप होतो. परंतु, यंदा कोरोनामुळे सप्ताह समितीने साध्या पध्दतीने सोहळा साजरा करण्याचा निर्णय घेतला आहे. कोरोनाच्या पार्श्वभूमीवर असलेल्या सर्व नियमांचे पालन करून धार्मिक कार्यक्रम पार पडणार आहे. काकडा, ज्ञानेश्वरी पारायण, गाथा भजन, रामायण, हरिपाठ, कीर्तन आदी धार्मिक कार्यक्रम होणार आहेत. पंचक्रोशीतील भाविकांनी गर्दी करू नये, असे आवाहन संयोजकांनी केले आहे. शनिवारी केंद्रीय राज्यमंत्री रावसाहेब दानवे यांनी सोहळ्याच्या जागेची पाहणी केली. यावेळी ह. भ. प. विष्णू महाराज सास्ते, सरपंच भाऊसाहेब भुजंग, साहेबराव भालेराव, शिवाजी पुंगळे, बाबुराव खरात, व्यवस्थापक गणेश साबळे, कार्यालयीन अधीक्षक प्रशांत दानवे, श्रीरामपंच पुंगळे, गजानन जामदार, विष्णू राज्यकर, श्रीमंता पुंगळे, आप्पासाहेब पुंगळे, भगवान नागवे, मोहिनीराज मापारी, राहुल दरक, सोमीनाथ महाराज, संजय टेपले, हिवाळे महाराज, खैरे आदींची उपस्थिती होती.