मागील तीन वर्षांपासून चीन लोकसंख्या वाढीविरोधात काम करत आहे. एकेकाळी जगातील सर्वात जास्त लोकसंख्या असलेला देश आता आपल्या घटत्या लोकसंख्येशी झुंजत आहे. "एक मूल धोरण" द्वारे आपल्या लोकसंख्येवर दीर्घकाळ नियंत्रण ठेवणारा चीन आता उलट मार्गावर आहे. चीनच्या ताज्या आकडेवारीवरून, २०२५ मध्ये सलग तिसऱ्या वर्षी त्यांची लोकसंख्या कमी होईल. परिस्थिती इतकी भयानक झाली आहे की चीन सरकार आता लोकसंख्या वाढवण्यासाठी सर्वतोपरी प्रयत्न करत आहे. अगदी कंडोम आणि गर्भनिरोधक गोळ्यांच्या किमतीही वाढवत आहे. कंडोमच्या किमती वाढवल्याने लोकसंख्या वाढेल का? आणि या संकटाचा जागतिक पुरवठा साखळीवर, तुमच्या फोन आणि गॅझेट्सच्या किमतींवर परिणाम होईल का? असे प्रश्न उपस्थित होत आहे.
'ऑपरेशन सिंदूर'वर पाकिस्तानचा यू-टर्न, आता युद्धविरामचे श्रेय दिले चीनला; आधी ट्रम्प यांना दिलेले
जगातील दुसऱ्या क्रमांकाच्या अर्थव्यवस्थेला सर्वात मोठा धोका परकीय शत्रू नाही, तर त्यांची स्वतःची लोकसंख्या आहे. 'जन्माच्या संख्येपेक्षा मृत्यूची संख्या खूपच जास्त आहे, असे आकडेवारीवरुन दिसून येते. चीनने एक मूल धोरण काटेकोरपणे लागू केले, पण आज ते धोरण त्यांच्या बाजूने एक काटा बनले आहे. चीनचे आव्हान कमी जन्मदरापर्यंत मर्यादित नाही. वेगाने वृद्ध होणारी लोकसंख्या तितकीच महत्त्वाची आहे. आता ६० वर्षे आणि त्याहून अधिक वयाचे लोक एकूण लोकसंख्येच्या २०% पेक्षा जास्त आहेत. संयुक्त राष्ट्रांच्या अंदाजानुसार, २१०० पर्यंत हे प्रमाण ५०% पर्यंत पोहोचू शकते. त्याचे परिणाम दूरगामी आहेत. काम करणाऱ्या लोकसंख्येवर दबाव येईल, आर्थिक वाढ दबावाखाली येईल आणि आरोग्य आणि पेन्शनवरील सरकारी खर्च झपाट्याने वाढेल.
चीनची लोकसंख्या का कमी होत आहे?
ही समस्या चीनमध्ये नवीन नाही. १९८० ते २०१५ पर्यंत, "एक मूल धोरण" लागू होते, यामुळे बहुतेक कुटुंबांना फक्त एकच मूल जन्माला घालण्याची परवानगी देण्यात आली. त्याचा उद्देश वेगाने वाढणाऱ्या लोकसंख्येवर नियंत्रण ठेवणे हा होता. परिणाम जन्मदरात तीव्र घट. २०१६ मध्ये दोन आणि २०२१ मध्ये तीन मुलांना परवानगी देण्यात आली, पण तोपर्यंत खूप उशीर झाला होता. आज, तरुण जोडप्यांना मुले नको आहेत.
मुले सांभाळणे महागले
चीनमध्ये १८ वर्षांपर्यंत मुलाचे संगोपन करण्याचा खर्च अंदाजे ५३८,००० युआन आहे. शहरांमध्ये, तो १० दशलक्ष युआनपेक्षा जास्त असू शकतो.
नोकरीचा दबाव, घराचा खर्च आणि शिक्षण आणि आरोग्यसेवेचा भार.
महिला घर आणि करिअर दोन्हीचा भार उचलतात.
विवाहांमध्येही घट होत आहे . २०२५ मध्ये विवाहांची विक्रमी कमी संख्या झाली.
२०२४ मध्ये "ड्रॅगन वर्ष" आणि कोविडनंतर विलंबित विवाहांमुळे जन्मदरात किंचित वाढ झाली. पण २०२५ मध्ये जन्मदर पुन्हा कमी झाला. संयुक्त राष्ट्रांचा अंदाज आहे की २०५० पर्यंत चीनची लोकसंख्या २० कोटींनी कमी होऊ शकते आणि वृद्धांची संख्या दुप्पट होईल.
जन्मदरात मोठी घट
अधिकृत आकडेवारीनुसार, २०२४ मध्ये चीनमध्ये अंदाजे ९.५ दशलक्ष मुलांचा जन्म झाला. २०१९ मध्ये झालेल्या १४.७ दशलक्ष जन्मदरांपेक्षा ही लक्षणीय घट आहे. ड्रॅगन इयर सारख्या सांस्कृतिक श्रद्धांशी संबंधित तात्पुरत्या वाढीनंतरही ही घट झाली. तरुण पिढ्या वाढती महागाई, घरांचा खर्च, शिक्षण खर्च, असुरक्षित नोकऱ्या आणि काम-जीवन असंतुलन यासारख्या चिंतांशी झुंजत आहेत, यामुळे कुटुंब वाढवण्याचा निर्णय घेणे आणखी कठीण होत आहे.
भारतासाठी संधी की आव्हान?
हे चीनचे संकट भारतासाठी 'सुवर्ण संधी' आहे.
युवा भारत- चीनचे सरासरी वय ३९ वर्षांपेक्षा जास्त असताना, भारताचे सरासरी वय अजूनही २८ वर्षांच्या आसपास आहे. आपल्याकडे जगातील सर्वात मोठे तरुण कर्मचारी वर्ग आहे.
कंपन्यांचा भ्रमनिरास
चीनमधील वाढत्या खर्चामुळे आणि अनिश्चिततेमुळे, बहुराष्ट्रीय कंपन्या (MNCs) आता 'चायना प्लस वन' धोरण स्वीकारत आहेत.
Web Summary : China faces population decline despite efforts like raising condom prices. This demographic shift, coupled with rising costs, prompts companies to seek alternatives like India, presenting a golden opportunity for its young workforce and economy.
Web Summary : चीन कंडोम की कीमतें बढ़ाकर भी जनसंख्या गिरावट से जूझ रहा है। बढ़ती लागत के साथ यह जनसांख्यिकीय बदलाव कंपनियों को भारत जैसे विकल्प तलाशने के लिए प्रेरित करता है, जो अपनी युवा कार्यबल और अर्थव्यवस्था के लिए एक सुनहरा अवसर प्रस्तुत करता है।