'भारतासोबतच्या मैत्रीच्या किंमतीवर पाकिस्तानशी कोणतेही संबंध नकोत...', अमेरिकेचा पाकिस्तानला स्पष्ट संदेश

अमेरिकेचे परराष्ट्र मंत्री मार्को रुबियो यांनी भारत-अमेरिका संबंधावर भाष्य केले.

अमेरिकेचे परराष्ट्र मंत्री मार्को रुबियो यांनी अमेरिकेच्या पाकिस्तानसोबतच्या संबंधांबाबत एक मोठे विधान केले.  "आम्हाला पाकिस्तानसोबतची आमची धोरणात्मक भागीदारी मजबूत करायची आहे. परंतु या भागीदारीमुळे अमेरिकेच्या भारतासोबतच्या ऐतिहासिक आणि महत्त्वाच्या मैत्रीला कोणताही धोका पोहोचणार नाही," असं विधान मार्को रुबियो यांनी केले.

 रुबियो म्हणाले, "भारतासोबतच्या मैत्रीच्या किंमतीवर आम्हाला पाकिस्तानसोबतचे संबंध मजबूत करायचे नाहीत." अमेरिका आणि पाकिस्तान आधीच दहशतवादाविरुद्ध एकत्र काम करत आहेत, परंतु यामुळे भारतासोबतच्या त्यांच्या मैत्रीला कोणताही धोका पोहोचणार नाही.

नशेमुळे झाला कुर्नूल बस अपघात; चूक कुणाची? बाइकस्वारांची की बस ड्रायव्हरची? खुद्द डीआयजींनीच केला खुलासा

भारतीय राजनैतिक धोरण हे शहाणपणाचे आहे. त्यांना हे समजते की आपल्याला अनेक देशांशी संबंध राखावे लागतील. त्यांचे काही देशांशीही संबंध आहेत. हा शहाणपणाच्या परराष्ट्र धोरणाचा भाग आहे, असेही रुबियो म्हणाले.

'भारताचे काही देशांशी संबंध आहेत ज्यांच्याशी अमेरिकेचे चांगले संबंध नाहीत. हा एका परिपक्व, व्यावहारिक परराष्ट्र धोरणाचा भाग आहे. पाकिस्तानसोबत आपण जे करत आहोत त्यामुळे भारताशी असलेले आपले संबंध किंवा मैत्री धोक्यात येईल, असे मला वाटत नाही.

रुबियो म्हणाले की, भारत आणि पाकिस्तानमधील दीर्घकाळापासून असलेल्या तणावाची अमेरिकेला जाणीव आहे, परंतु शक्य तितक्या देशांशी मैत्री निर्माण करण्याचे मार्ग शोधण्याचे त्यांचे उद्दिष्ट आहे. आम्ही दहशतवादाविरुद्ध पाकिस्तानसोबत काम करत आहोत आणि आता ते आणखी वाढवू इच्छितो, परंतु हे भारत किंवा इतर कोणाशीही आमच्या संबंधांच्या किंमतीवर होणार नाही.