ग्रीनलँड आणि कॅनडा घ्यायचाय ताब्यात, मॅक्रॉन आणि मेलोनी झाले अवाक; ट्रम्प यांनी अमेरिकेचा नवीन नकाशा केला शेअर

डोनाल्ड ट्रम्प ग्रीनलँडवर कब्जा करण्याचा त्यांचा ध्यास वाढवत आहेत. त्यांनी सोशल मीडियावर ग्रीनलँडवर अमेरिकन ध्वज फडकवताना आणि कॅनडा आणि ग्रीनलँडला अमेरिकेचा भाग म्हणून दाखवणारा नकाशा दाखवतानाचे फोटो शेअर केले आहेत. ट्रम्प यांनी नाटोच्या सरचिटणीसांशीही चर्चा केली आहे.

ग्रीनलँडला आपल्या ताब्यात घेण्याचा डोनाल्ड ट्रम्प यांचा ध्यास आहे. हा ध्यास त्यांचा आणखी वाढल्याचे दिसत आहे. व्हेनेझुएलावर लष्करी कारवाई झाल्यापासून ग्रीनलँड ट्रम्प यांच्या रडारवर आहे. अमेरिकेच्या ग्रीनलँडवर अमेरिकेच्या विलीनीकरणाचा फोटो शेअर करून अमेरिकेच्या राष्ट्राध्यक्षांनी पुन्हा एकदा जगभरातील अनेक देशांमध्ये खळबळ उडवून दिली आहे.

ट्रम्प यांनी त्यांच्या सोशल मीडिया प्लॅटफॉर्म 'ट्रुथआउट'वर एक फोटो शेअर केला आहे, यामध्ये ते ग्रीनलँडवर अमेरिकन ध्वज फडकवताना दिसत आहेत.

अटलजी ते आडवाणी अन् नड्डा ते नबीन...; भाजपात 45 वर्षांत झाले 12 राष्ट्रीय अध्यक्ष, बघा लिस्ट

ट्रम्प यांनी शेअर केले फोटो

ट्रम्प यांनी शेअर केलेल्या फोटोमध्ये ट्रम्प ग्रीनलँडच्या भूमीवर अमेरिकन ध्वज हातात घेऊन उभे आहेत. ट्रम्प यांच्यासोबत उपाध्यक्ष जेडी व्हान्स आणि परराष्ट्र सचिव मार्को रुबियो देखील उपस्थित आहेत. ट्रम्प यांच्यासमोर एका फलकावर लिहिले आहे की, "२०२६ पासून ग्रीनलँड हा अमेरिकेचा प्रदेश आहे."

ट्रम्प यांनी ट्रुथआउटवर आणखी एक फोटो शेअर केला आहे, हा व्हाईट हाऊसमधील असल्याचे दिसते. या फोटोमध्ये ट्रम्प युरोपियन देशांच्या नेत्यांसोबत बसलेले दिसत आहेत. ट्रम्प यांच्या शेजारी असलेल्या बोर्डवर कॅनडा, ग्रीनलँड आणि व्हेनेझुएला हे अमेरिकेचा भाग असल्याचे दाखवणारा नकाशा दाखवण्यात आला आहे.

ट्रम्प नाटोसोबत बैठक घेणार

अमेरिकेचे राष्ट्राध्यक्ष डोनाल्ड ट्रम्प यांनी एक पोस्ट शेअर केली आहे.  यामध्ये त्यांनी नाटोचे सरचिटणीस मार्क रुट यांच्याशी फोनवर बोलले आहेत, त्यांनी ग्रीनलँडबद्दल चिंता व्यक्त केली आहे. "मी स्वित्झर्लंडमधील दावोस येथे एक बैठक आयोजित केली आहे. ग्रीनलँड अमेरिकेच्या राष्ट्रीय सुरक्षेसाठी धोका आहे. आम्ही मागे हटणार नाही."

ट्रम्प म्हणाले, "अमेरिका हा जगातील सर्वात शक्तिशाली देश आहे. आपणच एकमेव शक्ती आहोत जी शांतता सुनिश्चित करू शकते आणि आपण ती प्रत्यक्षात आणू."