वॉशिंग्टन : अमेरिकेत लाखो नागरिक कोरोनाबाधित असल्याने अमेरिकेने त्यांनी तयार केलेली कोरोनावरील लस प्रभावी आहे की नाही, हे समजण्यासाठी अमेरिका सध्या प्रयत्नशील आहे. कोरोनाचा संसर्ग रोखण्यासाठी अमेरिकेने एक नवीन कोरोना व्हायरस स्ट्रेन तयार करायला सुरु वात केली आहे. त्याच्या सहाय्याने लस घेणाऱ्या स्वयंसेवकांना जाणुनबुजून संक्रमित करण्यात येऊ शकते.रॉयटर्सने दिलेल्या वृत्तानुसार, अमेरिकन सरकारच्या आरोग्य संस्थेने म्हटले आहे की ह्युमन चॅलेंज ट्रायलसाठी काम सुरू करण्यात आले आहे. सामान्यपणे लसीच्या परिक्षणादरम्यान स्वयंसेवकांना डोस देण्यात येतो आणि ते व्हायरसच्या संपर्कात येण्याची वाट पाहिली जाते. लोक व्हायरसच्या संपर्कात आल्यानंतर त्यांच्यावर झालेल्या परिणामांचा अभ्यास केला जातो. जर ते आजारी पडले नाही तर लस यशस्वी असल्याचे समजण्यात येते.मात्र, लस घेतलेला स्वयंसेवक व्हायरसच्या संपर्कात येण्यास उशीर होऊ शकतो. परिणामी परिक्षणही उशिरा होते. परंतु, आणखी विलंब होणे परवडणारे नसल्याने अमेरिकेने एक नवा कोरोना व्हायरस स्ट्रेन तयार करून स्वयंसेवकांवर संक्रमित करण्यावर काम सुरू केले आहे. याला ह्युमन चॅलेंजट्रायल असे म्हटले जाते. मात्र अमेरिकेची ही ह्युमन चॅलेंज ट्रायल सध्या वादाच्या भोवºयात आली आहे. कारण ह्युमन चॅलेंज ट्रायलमध्ये सहभागी होणाºया स्वयंसेवकांच्या जीवाला धोका निर्माण होऊ शकतो. कारण लस परिणामकारक आहे, याची खात्री नसते.>रॉयटर्सने दिलेल्या माहितीनुसार, अमेरिकेत नवा कोरोना व्हायरस स्ट्रेन तयार करण्याचे काम प्राथमिक टप्प्यावर असून जर ह्युमन चॅलेंजला परवानगी मिळाली तर ही ट्रायल आधीपासून सुरू असलेल्या फेज-३ ट्रायलपेक्षा वेगळी असेल. लस तयार करणारी कंपनी एस्ट्राजेनेका आणि जॉन्सन अँड जॉन्सनने म्हटले आहे की, आवश्यकता भासल्यास ह्युमन चॅलेंज ट्रायलवर विचार केला जाईल.कोरोना व्हायरसवर अद्याप कसल्याही प्रकारची लस किंवा औषध सापडले नसल्याने ह्युमन चॅलेंज ट्रायल धोकादायक असल्याचे मानण्यात येत आहे. मात्र, वैज्ञानिकांनी मूळ कोरोना व्हायरसच्या तुलनेत कमी धोकादायक स्ट्रेन तयार केल्यास ह्युमन चॅलेंज ट्रायलला परवानगी मिळण्याची शक्यता नाकारता येत नाही.
लोकांना संक्रमित करण्यासाठी अमेरिका तयार करतोय नवा कोरोना व्हायरस
By ऑनलाइन लोकमत | Published: August 16, 2020 2:37 AM