पश्चिम आशियातील तणाव आता जागतिक युद्धाचे रूप धारण करत आहे. इराणकडून सातत्याने होणाऱ्या क्षेपणास्त्र आणि ड्रोन हल्ल्यांची गंभीर दखल घेत ब्रिटन, फ्रान्स आणि जर्मनी या देशांनी अमेरिकेसोबत मिळून काम करण्याची तयारी दर्शवली आहे. इराणचे 'बेजबाबदार' मिसाईल, ड्रोन हल्ले रोखण्यासाठी आणि आपल्या नागरिकांच्या सुरक्षेसाठी हे तिन्ही देश अमेरिकेच्या 'प्रत्त्यूत्तराच्या कारवाई'मध्ये सहभागी होऊ शकतात, असे संकेत एका संयुक्त निवेदनातून देण्यात आले आहेत.
ब्रिटनचे पंतप्रधान कीर स्टार्मर, फ्रान्सचे राष्ट्राध्यक्ष इमॅन्युएल मॅक्रॉन आणि जर्मनीचे चान्सलर फ्रेडरिक मर्ज यांनी इराणच्या लष्करी हालचालींवर तीव्र नाराजी व्यक्त केली आहे. इराणचे हल्ले प्रादेशिक शांततेसाठी आणि तिथे तैनात असलेल्या पाश्चात्य सैनिकांसाठी धोकादायक असल्याचे त्यांनी म्हटले आहे.
बचावात्मक नव्हे, तर आक्रमक पवित्रातिन्ही देशांनी स्पष्ट केले आहे की, गरज पडल्यास ते इराणच्या क्षेपणास्त्र आणि ड्रोन लाँचिंग साईट्सना त्याच ठिकाणी नष्ट करण्यासाठी लष्करी पावले उचलतील. अमेरिकेच्या 'ऑपरेशन एपिक फ्यूरी' ला यामुळे आता मोठे आंतरराष्ट्रीय पाठबळ मिळाले आहे.
संयुक्त मोर्चायुरोपीय देशांच्या या निर्णयामुळे इराणविरुद्ध आता एक मजबूत जागतिक मोर्चा तयार झाला आहे. यामुळे इराणची कोंडी होण्याची शक्यता असून, आखाती क्षेत्रात लष्करी हालचालींचा वेग वाढणार आहे.
युद्धाचा नवा टप्पाडोनाल्ड ट्रम्प यांच्या नेतृत्वाखाली अमेरिका आधीच इराणवर कठोर हल्ले करत आहे. आता युरोपातील बड्या देशांच्या सहभागामुळे हे युद्ध अधिक व्यापक आणि विनाशकारी होण्याची भीती व्यक्त केली जात आहे.