- अभिजित देशमुखमुक्त क्रीडा पत्रकार मेरिका, कॅनडा, आणि मेक्सिकोने २०२६ फिफा वर्ल्ड कप सह-आयोजन करण्याचा ठराव जिंकला, तेव्हा खरे तर उत्तर अमेरिकेतील एकता जिंकल्याची भावना होती. पण, २०२५ उजाडल्यापासून खेळ आणि राजकारण यांचा अनोखा खेळ सुरू झाला आहे. डोनाल्ड ट्रम्प अमेरिकेचे राष्ट्राध्यक्ष झाल्यापासून या खेळाला नव्या नियमांनी घेरले आहे. जगातील सर्वांत मोठा खेळाचा कुंभमेळा अर्थात ऑलिम्पिक खेळ २०२६ मध्ये लॉस एंजलिसमध्ये होऊ घातले आहेत आणि त्यावर आता ट्रम्प नावाच्या वादळाची छाया आहे.
संपूर्ण अमेरिका खंडात होणाऱ्या या स्पर्धेवर ब्युरोक्रसीच्या अडचणी, राजकीय अनिश्चितता आणि व्हिसा विलंबाची काळी किनार दिसू लागली आहे. ही स्पर्धा रोमांचक होण्याआधीच सह-आयोजक देशांमध्ये तणाव निर्माण होऊ लागला आहे. कॅनडाला यूएसचा ५१ वा देश बनवण्याचा ट्रम्प यांचा विचार आहे. मेक्सिकन सीमेवरून होणाऱ्या घुसखोरीविरोधात ट्रम्प यांनी लगाम लावायला सुरूवात केलेली आहे.
मोफत प्रवास मिळेल?रशिया २०१८ एक चाहत्यांसाठी स्वप्नवत होते, कारण यजमान शहरांमधील रेल्वे प्रवास मोफत होता. २०२६ मध्ये काहीतरी तत्सम प्रयत्न केला जाऊ शकतो, अमेरिका मियामीपासून एलएपर्यंत या देशांतर्गत प्रवासासाठी सबसिडी देऊ शकतो. चाहत्यांना कॅनडा, अमेरिका व मेक्सिकोमधून मुक्तपणे प्रवास करण्यासाठी व्हिसा नियम व सीमा तपासण्या पार कराव्या लागतील.
व्हिसा मिळण्याची अडचण दूर होणार?यापूर्वी कतार २०२२ आणि रशिया २०१८ येथे झालेल्या स्पर्धांमध्ये मॅच तिकीट असले तरी व्हिसा मिळण्याची अडचण यायची नाही. चाहत्यांना स्पेशल आयडी मिळायचे, सुविधा मिळायच्या. यावेळ चित्र वेगळे आहे. २०२६ च्या फिफा वर्डकपसाठी जाता येईलच, याची शाश्वती नाही. कारण व्हिसा वेटिंग कालावधी मोठा आहे. कोलंबियातील चाहत्यांना व्हिसासाठी ६७० दिवस थांबावे लागते आहे. भारतात हाच कालावधी ४०० दिवसांच्या आसपास आहे. एवढेच नाही तर सह-आयोजक असलेल्या मेक्सिकोच्या लोकांनाही अमेरिकन व्हिसासाठी ४५८ दिवस प्रतीक्षेत राहावे लागत आहे. इंग्लंड, चीन, ब्राझिल आणि जर्मनीसारख्या अनेक देशांमध्येही वेटिंग कालावधी अधिक आहे. इराण फिफासाठी पात्र ठरला खरा पण राजकीय वॉरमध्ये तेथील चाहत्यांची अडचण होऊ लागल आहे. इराणची राजधानी तेहराणमध्ये अमेरिकन एम्बसी नाही. त्यामुळे इराणच्या चाहत्यांना तिसऱ्या देशांमधून व्हिसासाठी विनवण्या कराव्या लागणार आहेत.
ट्रम्पची वर्ल्ड कप टास्क फोर्सट्रम्पने २०२६ फिफा वर्ल्ड कपसाठी व्हाइट हाऊस टास्क फोर्स स्थापन केला आहे. स्वतः ट्रम्प त्याचे अध्यक्ष आहेत. हा टास्क फोर्स लॉजिस्टिक अडचणी दूर करू शकते, व्हिसा प्रक्रियेला गती देऊ शकते आणि चाहत्यांच्या गतीला समर्थन देऊ शकते. अमेरिकेने केवळ फिफा वर्ल्ड कपच नाही, तर २०२८ मधील समर ऑलिंपिक्सही लॉस एंजेलिसमध्ये आयोजित करण्याचा मान मिळवला आहे. ट्रम्प यांच्या अध्यक्षीय कार्यकाळात जगातील दोन सर्वाधिक पाहिल्या जाणाऱ्या क्रीडा स्पर्धा होणार आहेत. खेळामुळे देशांमधील तणाव दूर होतात. संबंध अधिक दृढ होतात. २०२६ मधील फिफा वर्ल्डकप आणि २०२८ मधील ऑलिम्पिक या स्पर्धाही तणाव दूर करतील.