रशियाच्या मदतीने इराण ८ नवीन अणुऊर्जा प्रकल्प बांधणार, असा करार दोन्ही देशांमध्ये झाला

स्वच्छ आणि शाश्वत ऊर्जा उत्पादन वाढवण्याच्या उद्देशाने इराण रशियाच्या मदतीने आठ नवीन अणुऊर्जा प्रकल्प बांधणार आहे. दोन्ही देशांनी यासाठी एक करार केला आहे. इराणी राष्ट्राध्यक्षांनी "शांततापूर्ण अणुकार्यक्रम" आणि "अणुशस्त्रांचा विकास न करण्याची" आपली वचनबद्धता पुन्हा सांगितली आहे. या प्रकल्पांमुळे इराणला २०,००० मेगावॅटने अणुऊर्जा निर्मिती वाढविण्यास मदत होईल.

स्वच्छ आणि शाश्वत ऊर्जा उत्पादन वाढवण्याच्या प्रयत्नांचा एक भाग म्हणून तेहरान रशियाच्या मदतीने आठ नवीन अणुऊर्जा प्रकल्प बांधणार आहे. यासाठी दोन्ही देशांनी एक करार केला आहे, अशी माहिती इराणच्या अणुऊर्जा संघटनेचे प्रमुख मोहम्मद इस्लामी दिली. 

दरम्यान, इराणचे अध्यक्ष मसूद पेझेश्कियान यांनी "शांततापूर्ण अणुकार्यक्रम" आणि "अणुशस्त्रांचा विकास न करण्याच्या" त्यांच्या देशाच्या वचनबद्धतेचा पुनरुच्चार केला. बुशेहरमध्ये चार आणि उत्तर आणि दक्षिण किनाऱ्यावरील इतर चार अणुऊर्जा प्रकल्पांच्या संयुक्त बांधकामासाठी इराण आणि रशियामध्ये एक नवीन करार झाला आहे.

नेपाळमध्ये हिमस्खलनात सात जणांचा मृत्यू, अनेक जण बेपत्ता

अणुऊर्जेचे दावे

सरकार त्यांची नेमकी ठिकाणे नंतर उघड करेल. हे प्रकल्प "स्वच्छ अणुऊर्जेचा" शाश्वत पुरवठा सुनिश्चित करतील आणि इराणला २०,००० मेगावॅटने अणुऊर्जा निर्मिती वाढविण्यास मदत करतील, असे AEOI प्रमुखांनी सांगितले.  इराणच्या उत्तरेकडील गोलेस्तान प्रांताच्या किनाऱ्यावर अणुऊर्जा प्रकल्पाचे बांधकाम सुरू झाले आहे.

खुझेस्तान प्रांतात अणुऊर्जा प्रकल्पाचे बांधकाम पूर्ण करण्यासाठी देखील योजना सुरू आहेत. इराणचे अध्यक्ष पेझेश्कियान यांनी काल "शांततापूर्ण अणुकार्यक्रम" आणि "अणुशस्त्रांचा विकास न करण्याच्या" त्यांच्या देशाच्या वचनबद्धतेचा पुनरुच्चार केला.