मिडल ईस्टमध्ये सातत्याने वाढत असलेल्या तणावाच्या पार्श्वभूमीवर, रशियाने जागतिक अणुधोक्यासंदर्भात गंभीर चिंता व्यक्त केली आहे. रशियाचे परराष्ट्र मंत्री सर्गेई लावरोव्ह यांनी यासंदर्भात भाष्य केले आहे. रशिया अण्वस्त्र प्रसारबंदीच्या (Nuclear Non-Proliferation) तत्त्वांवर ठाम आहे आणि त्याचे समर्थन करत राहील. मात्र, सध्याच्या परिस्थितीत अण्वस्त्र प्रसाराचा विषय नियंत्रणाबाहेर जाण्याचा धोका वाढला असल्याचे, लावरोव्ह यांनी म्हटले आहे.
तर इतर अरब राष्ट्रेही अण्वस्त्रे मिळवण्याचे प्रयत्न तीव्र करू शकतात -लावरोव्ह म्हणाले, आता जग अशा वळणावर जाऊन पोहोचले आहे, जेथे नवी अण्वस्त्र स्पर्धा सुरू होऊ शकते. विशेषतः इराणविरुद्ध सुरू असलेल्या युद्धामुळे ही परिस्थिती अधिक गुंतागुंतीची होऊ शकते. या संघर्षामुळे केवळ इराणच नाही, तर इतर अरब राष्ट्रे देखील आपली सुरक्षा सुनिश्चित करण्यासाठी अण्वस्त्रे मिळवण्याचे प्रयत्न तीव्र करू शकतात, अशी भीतीही त्यांनी व्यक्त केली.
"जागतिक अणुधोका अधिक गंभीर होताना दिसत आहे" -रशियन परराष्ट्र मंत्र्यांच्या म्हणे आहे की, मिडल ईस्ट मधील या संघर्षाचा परिणाम केवळ या क्षेत्रापुरता मर्यादित राहणार नाही, तर त्याचा जागतिक सुरक्षेवरही मोठा परिणाम होईल. सध्य स्थितीमुळे जागतिक अणुधोका अधिक गंभीर होताना दिसत आहे.
या वाढत्या तणावावर चीननेही यापूर्वीच आपली भूमिका मांडली आहे. चीनच्या परराष्ट्र मंत्रालयाच्या प्रवक्त्या माओ निंग यांनी सर्व पक्षांना लष्करी कारवाई थांबवण्याचे आणि युद्धाचा प्रसार शेजारील देशांमध्ये होण्यापासून रोखण्याचे आवाहन केले आहे.
Web Summary : Russia warns Iran war could trigger nuclear proliferation. Other Arab nations may seek weapons. Global security threatened, says Russia. China urges de-escalation.
Web Summary : रूस ने चेतावनी दी है कि ईरान युद्ध परमाणु प्रसार को बढ़ावा दे सकता है। अन्य अरब राष्ट्र हथियार प्राप्त कर सकते हैं। रूस का कहना है वैश्विक सुरक्षा खतरे में है। चीन ने तनाव कम करने का आग्रह किया।