मध्य-पूर्वेतील तणावाच्या पार्श्वभूमीवर अमेरिकेने इराणला मोठा लष्करी दणका दिला आहे. होर्मुझच्या सामुद्रधुनीजवळ असलेल्या इराणच्या एका अतिसुरक्षित आणि जमिनीखालील क्षेपणास्त्र तळावर अमेरिकेने ५,००० पाउंड वजनाच्या शक्तिशाली 'बंकर बस्टर' बॉम्बचा वर्षाव केला आहे. या हल्ल्यामुळे इराणची सागरी सुरक्षा आणि क्षेपणास्त्र क्षमता मोठ्या प्रमाणावर बाधित झाली आहे.
अमेरिकेने या मोहिमेत 'GBU-28' सारख्या विशेष बॉम्बचा वापर केला, जे जमिनीच्या अनेक फूट खाली असलेले काँक्रीटचे बंकर नष्ट करण्यास सक्षम आहेत. हा हल्ला ज्या ठिकाणी झाला, तो भाग जागतिक तेल पुरवठ्यासाठी अत्यंत महत्त्वाचा मानला जातो. इराण येथून जहाजांवर हल्ले करण्याची तयारी करत असल्याचा अमेरिकेचा संशय होता. प्राथमिक माहितीनुसार, या हल्ल्यात इराणची अनेक बॅलिस्टिक क्षेपणास्त्रे आणि त्यांचे लाँचिंग पॅड्स पूर्णपणे उद्ध्वस्त झाले आहेत.
युद्धाचा नवा टप्पा?इराणचे नेते अली लारीजानी यांच्या मृत्यूनंतर अमेरिकेने केलेली ही कारवाई इराणसाठी मोठा इशारा मानली जात आहे. अमेरिकेचे अध्यक्ष डोनाल्ड ट्रम्प यांनी आधीच स्पष्ट केले होते की, अमेरिकेच्या हितसंबंधांना धक्का लावल्यास त्याचे गंभीर परिणाम होतील. या हल्ल्यानंतर इराणने आपल्या नौदलाला 'हाय अलर्ट'वर ठेवले असून, प्रतिहल्ल्याची धमकी दिली आहे.
अमेरिकेला सर्वांनी एकटे पाडले...होर्मुझ सामुद्रधुनी इराणने बंद केली होती. भारतीय आणि इराणशी चांगले संबंध असलेल्या देशांच्या तेल आणि एलपीजी जहाजांना जाण्याची इराणने परवानगी दिली होती. आपल्या देशाच्या जहाजांना होर्मुझमधून सोडविण्यासाठी अमेरिकेने जपान, ब्रिटन, चीन, ऑस्ट्रेलिया, दक्षिण आफ्रिकेसह अनेक देशांना आपल्या युद्धनौका पाठविण्यास सांगितले होते. परंतू, या देशांनी आपल्या युद्धनौका पाठविण्यास नकार कळविला होता. भारताने अमेरिकेपूर्वीच आपल्या तीन युद्धनौका होर्मुझमध्ये पाठविल्या होत्या. यानंतर अमेरिकेने इतर देशांना हे आवाहन केले होते. या देशांनी पाठ फिरविल्याने ट्रम्प यांनी लक्षात ठेवणार, होर्मुझ सोडविण्यासाठी आम्हाला कोणाची गरज नाही, असा इशारा देत एकट्यानेच होर्मुझ खाडी मोकळी करण्याचा निर्णय घेतला होता.
Web Summary : Amid tensions, the US bombed an Iranian underground missile site in Hormuz with 'bunker busters,' crippling its missile capabilities. Other nations declined to join, so the US acted independently after Iran allegedly threatened ships. Iran issued a high alert.
Web Summary : तनाव के बीच, अमेरिका ने होर्मुज में ईरानी मिसाइल स्थल पर 'बंकर बस्टर' से हमला किया, जिससे मिसाइल क्षमता कमजोर हुई। अन्य देशों के इनकार के बाद, अमेरिका ने ईरान द्वारा जहाजों को कथित तौर पर धमकाने के बाद स्वतंत्र रूप से कार्रवाई की। ईरान ने हाई अलर्ट जारी किया।