गोटाबाया राजपक्षे श्रीलंकेचे नवे राष्ट्रपती, मोदींनी दिल्या शुभेच्छा! 

नरेंद्र मोदी यांनी ट्विटरवरून गोटाबाया राजपक्षे यांना शुभेच्छा दिल्या आहेत.

कोलंबो : श्रीलंकेच्या राष्ट्रपतिपदाच्या निवडणुकीत गोटाबाया राजपक्षे विजयी झाले आहेत. गोटाबाया राजपक्षे हे श्रीलंकेचे आठवे राष्ट्रपती म्हणून शपथ घेणार आहेत. भारताचे पंतप्रधान नरेंद्र मोदी यांनी राष्ट्रपती पदाची निवडणूक जिंकल्यानंतर गोटाबाया राजपक्षे यांना शुभेच्छा दिल्या आहेत.

I also congratulate the people of Sri Lanka for the successful conduct of the elections.

— Narendra Modi (@narendramodi) November 17, 2019

नरेंद्र मोदी यांनी ट्विटरवरून गोटाबाया राजपक्षे यांना शुभेच्छा दिल्या आहेत. तसेच, यावेळी दोन्ही देशातील संबंध वाढवण्यासाठी शांती, समृद्धी आणि सुरक्षा क्षेत्रात मिळून काम करण्याची आशा नरेंद्र मोदींनी व्यक्त केली आहे. 

PM Modi: Congratulations Gotabaya Rajapaksa on your victory in Sri Lanka Presidential elections. I look forward to working closely with you for deepening close&fraternal ties between our 2 countries & citizens & for peace, prosperity as well as security in our region. (File Pics) pic.twitter.com/75cVmYWj6M

— ANI (@ANI) November 17, 2019

दरम्यान, श्रीलंकेत शनिवारी राष्ट्रपती पदासाठी मतदान झाले. 35 उमेदवार या राष्ट्रपती पदाच्या निवडणुकीच्या रिंगणात होते. मात्र, खरी लढत ही गोटाबाया राजपक्षे आणि सजित प्रेमदासा यांच्यात पाहायला मिळाली. सजित प्रेमदासा हे माजी राष्ट्रपती रणसिंघे प्रेमदासा यांचे सुपुत्र आहेत. तर गोटाबाया राजपक्षे हे माजी राष्ट्रपती महिंदा राजपक्षे यांचे भाऊ आहेत. 

श्रीलंकेतील राष्ट्रपती पदाच्या निवडणुकीवर अनेक देशांचे लक्ष लागून राहिले होते. श्रीलंकेची आणि चीनची वाढती मैत्री लक्षात घेऊन भारताने देखील या निवडणुकीवर लक्ष ठेवले होते.