Dubai Sky Stadium NEOM: २०३४ मध्ये सौदी अरेबिया फिफा विश्वचषक आयोजित करणार आहे. त्याआधी देश जगातील पहिले स्काय स्टेडियम बांधण्याची तयारी करत आहे. निओम असे स्टेडियमला नाव देण्यात आले आहे. हे जमिनीपासून ३५० मीटर (१,१५० फूट) उंचीवर असेल. त्यात एका वेळी ४६,००० लोक खेळाचा आनंद घेऊ शकतील. स्मार्ट सिटी असलेल्या निओममधील द लाईन प्रकल्पात हे स्टेडियम बांधले जाणार आहे.
प्रकल्पाची किंमत किती?
या प्रकल्पाची किंमत अंदाजे १ अब्ज अमेरिकन डॉलर्स इतकी आहे. २०२७ मध्ये बांधकाम सुरू होऊन २०३२ मध्ये पूर्ण होणार आहे. विश्वचषकाच्या दोन वर्षे आधी हे स्टेडियम बांधून पूर्ण होईल. हे स्टेडियम पूर्णपणे सौर आणि पवन ऊर्जेसारख्या अक्षय्य ऊर्जा स्रोतांवर चालेल. हे अशा प्रकारचे पहिले स्टेडियम असेल, जे पूर्णपणे पर्यावरणपूरक असेल.
विश्वचषक सामन्यांचे आयोजन
निओम स्काय स्टेडियममध्ये विश्वचषकाच्या गट टप्प्यातील, Top 32 फेरीतील, Top 16 फेरीतील आणि क्वार्टर फायनलमधील सामने होतील. स्टेडियमच्या संकल्पनेचा व्हिडिओ सोशल मीडियावर व्हायरल झाला आहे, ज्यामुळे फुटबॉल चाहते खूप उत्साहित झाले आहेत.
बांधकामातील आव्हाने कोणती आहेत?
अभियंत्यांसाठी हा प्रकल्प अत्यंत आव्हानात्मक आहे, कारण इतक्या उंचीवर स्टेडियम बांधणे सोपे नाही. निओम प्रकल्पाचे काही भाग उभारायला आधीच उशीर झाला आहे, परंतु अधिकाऱ्यांचे म्हणणे आहे की विश्वचषकाशी संबंधित सर्व कामे वेळेवर पूर्ण होतील.
आधुनिक डिझाइन
कन्स्ट्रक्शन रिव्ह्यू मॅगझिन आणि सौदी गीगा प्रोजेक्ट्सच्या अहवालानुसार, हे स्टेडियम शाश्वत साहित्य वापरून बांधले जाईल आणि त्यात कूलिंग सिस्टम, स्मार्ट लाइटिंग आणि डिजिटल फॅन अनुभव यासारख्या आधुनिक सुविधा असतील. विश्वचषकानंतर, हे स्टेडियम निओम प्रदेशातील एका व्यावसायिक फुटबॉल क्लबचे होम ग्राउंड बनेल. ते संगीत मैफिली आणि इतर कार्यक्रमांसाठी देखील वापरले जाईल.
फिफाने निओम स्टेडियमला क्रीडा पायाभूत सुविधांसाठी एक नवीन मानक म्हणून वर्णन केले आहे. संपूर्ण NEOM प्रकल्प २०४५ पर्यंत पूर्ण करण्याचे नियोजन आहे, परंतु स्टेडियमचा भाग २०३२ मध्ये तयार होईल. सौदी अरेबिया रियादमध्ये किंग सलमान आंतरराष्ट्रीय स्टेडियम देखील बांधत आहेत, ज्याची क्षमता ९२७६० प्रेक्षकांची असेल आणि ते २०२९ पर्यंत पूर्ण होण्याची अपेक्षा आहे.
Web Summary : Saudi Arabia plans a groundbreaking sky stadium for the 2034 FIFA World Cup. The Neom stadium, 350 meters high, accommodates 46,000 fans. Powered by renewable energy, it will host key matches. Construction starts in 2027, finishing in 2032, setting new standards for sports infrastructure.
Web Summary : सऊदी अरब 2034 फीफा विश्व कप के लिए एक अभूतपूर्व स्काई स्टेडियम बना रहा है। नियोम स्टेडियम, 350 मीटर ऊंचा, 46,000 प्रशंसकों को समायोजित करता है। नवीकरणीय ऊर्जा द्वारा संचालित, यह महत्वपूर्ण मैचों की मेजबानी करेगा। निर्माण 2027 में शुरू होकर 2032 में पूरा होगा, जो खेल बुनियादी ढांचे के लिए नए मानक स्थापित करेगा।