रशियाच्या तुलनेत युक्रेनची ताकद वाढणार, ब्रिटन 1 लाख ड्रोन देणार; जर्मनीनंही केलीय मोठी घोषणा

ड्रोन्सने संपूर्ण युद्धाची दिशाच बदलली आहे आणि याच्यामुळे युक्रेनला मोठी मदत मिळू शकते, असे ब्रिटनचे म्हणणे आहे.

रशिया आणि युक्रेन यांच्यात गेल्या अडीच वर्षांपासून युद्ध सुरू आहे. मात्र आता या युद्धात युक्रेनची ताकद वाढताना दिसत आहे. गेल्या आठवड्यातच युक्रेनने 5000 किलोमीटर आत शिरून रशियात हल्ला केला होता. यानंतर आता ब्रिटनने युक्रेनला एप्रिल 2026 पर्यंत 1 लाख ड्रोन देण्याची घोषणा केली आहे. युक्रेनला एवढ्या मोठ्या मदतीची घोषणा करून ब्रिटनने एक प्रकारे आपली भूमिकाच स्पष्ट केली आहे. ड्रोन्सने संपूर्ण युद्धाची दिशाच बदलली आहे आणि याच्यामुळे युक्रेनला मोठी मदत मिळू शकते, असे ब्रिटनचे म्हणणे आहे. यामुळे आम्ही ड्रोन्स पुरवठ्यात 10 पट वाढ करण्याचा निर्णय घेतला आहे.

ब्रिटनच्या या मदतीपूर्वी, जर्मनीनेही युक्रेनला लांब पल्ल्यांचे मिसाइलल देण्याची घोषणा केली होती. खरे तर, ब्रिटन हा युक्रेनला उघडपणे मदत करणाऱ्या पाश्चात्य देशांत सामील झाला आहे. महत्वाचे म्हणजे, इतिसाहात डोकावून बघितले तर, ब्रिटनची भूमिका नेहमीच रशियाच्या विरुद्ध राहिली आहे. आतापर्यंतच्या युद्धात तोफा आणि बंदुकांच्या युद्धात युक्रेन पिछाडीवर होता. मात्र, ड्रोन युद्धाच्या मदतीने रशियाचे मोठे नुकसान झाले आहे. युक्रेनने केलेल्या ड्रोन हल्ल्यांनंतर, आता भविष्यातील युद्ध ड्रोनच्या सहाय्यानेच केले जाईल, अशी चर्चा सुरू झाली आहे. 

यासंदर्भात बोलताना ब्रिटन सरकारने म्हटले आहे की, "आम्ही युक्रेनला 4.5 अब्ज पाउंडची लष्करी मदत करणार आहोत. याचाच एक भाग म्हणून आम्ही हे पॅकेज जेरी केले आहे. तसेच यात मुख्य मदद ड्रोन्ससंदर्भात असेल. ब्रिटिश संरक्षणमंत्री जॉन हेली यासंदर्भात घोषण करतील. महत्वाचे म्हणजे, या वर्षाच्या अखेरपर्यंत युक्रेनला हजारो ड्रोनचा पुरवठा केला जाईल. यानंतर एप्रिल महिन्यापर्यंत एक लाख ड्रोनचे लक्ष ठेवण्यात आले होते. ड्रोन्स शिवाय मोठ्या प्रमाणावर दारूगोळा देण्याचीही तयारी आहे.

तत्पूर्वी, आपण युक्रेनला 5 अब्ज पाउंडची मदत करणार आहोत, जेणेकरून ते लॉन्ग रेंजचे मिसाइल बनवू शकतील. तसेच, रशियासोबत लढताना युक्रेनला लांब पल्ल्याच्या क्षेपणास्त्रांची अत्यंत आवश्यकता आहे.