बुधवारी हाँगकाँगमधील काही गगनचुंबी इमारतींना भीषण आग लागली, या घटनेत अनेकांचा मृत्यू झाला. ताई पो जिल्ह्यातील वांग चुक कोर्ट नावाच्या गृहनिर्माण संकुलात लागलेल्या आगीत मृतांचा आकडा ४४ वर पोहोचला आहे. याशिवाय, २७९ लोक अजूनही बेपत्ता आहेत, तर अनेक जण गंभीर अवस्थेत रुग्णालयात दाखल आहेत.
मिळालेल्या माहितीनुसार, या घटनेला जबाबदार असलेल्या तीन जणांना अटक करण्यात आली आहे. चीनचे राष्ट्राध्यक्ष शी जिनपिंग यांनीही या घटनेची दखल घेतली आहे आणि मृतांना आणि त्यांच्या कुटुंबियांना शोक व्यक्त करताना बचावकार्याला गती देण्याचे आदेश दिले आहेत.
हाँगकाँगचे मुख्य कार्यकारी अधिकारी जॉन ली यांनी सांगितले की, आग लागलेल्या इमारती १९८० च्या दशकात बांधल्या गेल्या होत्या. या २००० अपार्टमेंटमध्ये सुमारे ४,००० लोक राहत होते, ज्यात वृद्ध रहिवाशांचा समावेश होता. काही काळापासून नूतनीकरणाचे काम सुरू होते, यामुळे सर्व इमारतींभोवती तेल रंग आणि बांबूचे मचान पसरले होते. यामुळे आग वेगाने पसरली आणि सात इमारतींना वेढले.
घटनेनंतर अग्निशमन दलाच्या पथके घटनास्थळी पोहोचली, पण तोपर्यंत आगीने अनेक जण जळून खाक झाले होते. रात्री उशिरापर्यंत केलेल्या अथक प्रयत्नांनंतर अखेर आग आटोक्यात आणण्यात आली. सध्या ७०० हून अधिक लोकांना तात्पुरत्या आश्रयस्थानांमध्ये हलवण्यात आले आहे. आगीचे कारण शोधण्यासाठी पोलिस आणि अग्निशमन दलाच्या पथकांनी एक पथक तयार केले आहे.
या घटनेनंतर, पोलिसांनी इमारत बांधणाऱ्या आणि नूतनीकरणाचे काम करणाऱ्या कंपनीतील दोन संचालक आणि एका अभियंत्याला अटक केली. त्यांच्यावर सामूहिक हत्येचा आरोप ठेवण्यात आला आहे.
Web Summary : A massive fire in a Hong Kong residential complex killed 44. Three individuals were arrested. The blaze, fueled by ongoing renovations, rapidly engulfed seven buildings. Hundreds are displaced, and an investigation is underway to determine the cause. China's President Xi Jinping has urged swift action.
Web Summary : हांगकांग के एक रिहायशी परिसर में भीषण आग लगने से 44 लोगों की मौत हो गई। तीन लोगों को गिरफ्तार किया गया है। नवीनीकरण के कारण आग तेजी से सात इमारतों में फैल गई। सैकड़ों लोग विस्थापित हुए हैं, और कारण जानने के लिए जांच जारी है। चीन के राष्ट्रपति शी जिनपिंग ने त्वरित कार्रवाई का आग्रह किया है।