'यापुढे दरवाजा बंद राहील हे लक्षात असू द्या', ...त्या व्हिडीओवरून ट्रम्प यांचा मॅक्राँ यांना मोलाचा सल्ला  

Donald Trump News: अमेरिकेचे राष्ट्राध्यक्ष डोनाल्ड ट्रम्प यांनी काल प्रसारमाध्यमांशी संवाद साधताना फ्रान्सचे राष्ट्रपती इमॅन्युएल मॅक्राँ आणि त्यांची पत्नी ब्रिजिट यांच्या व्हायरल झालेल्या व्हिडीओवर प्रतिक्रिया दिली आहे. मॅक्राँ यांच्या या व्हिडीओची इंटरनेटवर खूप चर्चा झाली. तसेच त्यावरून तर्कवितर्कांना उधाण आलं आहे.

अमेरिकेचे राष्ट्राध्यक्ष डोनाल्ड ट्रम्प यांनी काल प्रसारमाध्यमांशी संवाद साधताना फ्रान्सचे राष्ट्रपती इमॅन्युएल मॅक्राँ आणि त्यांची पत्नी ब्रिजिट यांच्या व्हायरल झालेल्या व्हिडीओवर प्रतिक्रिया दिली आहे. मॅक्राँ यांच्या या व्हिडीओची इंटरनेटवर खूप चर्चा झाली. तसेच त्यावरून तर्कवितर्कांना उधाण आलं आहे.

इमॅन्यूअल मॅक्राँ आणि त्यांच्या पत्नीचा व्हिएतनामधील एक व्हिडीओ व्हायरल झाला होता. त्यामध्ये मॅक्राँ यांच्या पत्नी ब्रिजिट मॅक्राँ ही चेहऱ्यावर हात मारताना दिसल्या होत्या. या घटनेबाबत डोनाल्ड ट्रम्प यांना विचारलं असता ते हसत म्हणाले की, यापुढे दरवाजा बंद राहील, हे लक्षात ठेवा. हे ऐकून तिथे असलेले लोक हसू लागले.

मॅक्राँ यांचा हा व्हिडीओ व्हायरल झाला होता तेव्हा सुरिवातीला इलिजी पॅलेस यांनी हा व्हिडीओ नकली असल्याचे सांगितले. मात्र नंतर हा व्हिडीओ खरा असल्याचे मान्य केले. तसेच हा एक खासगी आणि गमतीदार क्षण होता, असे ही सांगितले. तर मॅक्राँ पत्रकारांना म्हणाले की, आम्ही केवळ गंमत करत होतो. मी माझ्या पत्नीसोबत मस्ती करत होतो. मात्र त्यांच्यासाठी ही बाब नंतर अडचणीची ठरली आहे.

फ्रान्सचे राष्ट्रपताी इमॅन्यूअल मॅक्राँ हे गेल्या रविवारी व्हिएतनामची राजधानी हनोई येथे गेले होते. फ्रान्सच्या राष्ट्रपतींच्या विमानाचा दरवाजा जसा उघडला तेव्हा मॅक्राँ तिथेच उभे होते. त्यानंतर त्यांची पत्नी ब्रिजिट त्यांच्या चेहऱ्यावर हात मारताना दिसली होती.