जर्मनी दौऱ्यात राहुल गांधींना Rolls-Royce ची भुरळ; भारतात 'ही' लक्झरी कार कितीला मिळते?

Rahul Gandhi in Germany: काँग्रेस नेते राहुल गांधी सध्या जर्मनीच्या दौऱ्यावर आहेत.

Rahul Gandhi in Germany: काँग्रेस नेते राहुल गांधी सध्या जर्मनीच्या दौऱ्यावर असून, या दौऱ्यातील त्यांचा एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये राहुल गांधी जगातील अत्यंत लक्झरी कार्सपैकी एक असलेल्या Rolls-Royce Phantom ला जवळून पाहताना आणि तिच्यात बसून अनुभव घेताना दिसत आहेत. हा व्हिडिओ म्यूनिखमधील BMW मुख्यालयाच्या भेटीदरम्यानचा असल्याचे सांगितले जाते.

BMW मुख्यालयात Rolls-Royce Phantom ची पाहणी

राहुल गांधी जर्मनीत इंडियन ओव्हरसीज काँग्रेसच्या एका कार्यक्रमासाठी गेले आहेत. या दौऱ्यात त्यांनी BMW च्या मुख्यालयालाही भेट दिली. याआधी BMW ची अ‍ॅडव्हेंचर बाइक पाहतानाचा त्यांचा व्हिडिओ समोर आला होता. मात्र, Rolls-Royce Phantom संदर्भातील व्हिडिओने अधिक लक्ष वेधून घेतले आहे. व्हिडिओमध्ये राहुल गांधी कारच्या पुढील तसेच मागील सीटवर बसून कारचा अनुभव घेताना दिसतात.

LoP Shri @RahulGandhi visited BMW World in Munich, Germany, and took a guided tour of BMW Welt and the BMW Plant.

He was pleased to see TVS’s 450cc motorcycle, developed in partnership with BMW—a proud moment to witness Indian engineering on display.

Manufacturing is the… pic.twitter.com/iqiMCAQD23

— Congress (@INCIndia) December 17, 2025

लक्झरी डिझाइन आणि कारीगरीवर विशेष लक्ष

व्हायरल व्हिडिओमध्ये राहुल गांधी कारची पेंट क्वालिटी, डिझाइन आणि पुढील बाजूस असलेले प्रसिद्ध ‘Spirit of Ecstasy’ बोनट ऑर्नामेंट बारकाईने पाहताना दिसतात. या कारमधील सूक्ष्म कारीगरी आणि प्रीमियम फिनिशिंग त्यांनी जवळून अनुभवली, असेही या व्हिडिओतून स्पष्ट होते.

भारतातील किंमत 

भारतामध्ये Rolls-Royce Phantom ची सुरुवातीची एक्स-शोरूम किंमत सुमारे 9 कोटी रुपये आहे. ही कार अतिशय श्रीमंत आणि खास ग्राहकांसाठी तयार केली जाते. ग्राहक आपल्या पसंतीनुसार इंटीरियर, रंगसंगती आणि डिझाइन कस्टमाइज करू शकतात. त्यामुळेच Phantom ला ‘बेस्पोक लक्झरी कार’ म्हटले जाते.

दमदार इंजिन आणि स्मूद ड्रायव्हिंग अनुभव

Rolls-Royce Phantom मध्ये 6.75 लिटर ट्विन-टर्बो V12 इंजिन देण्यात आले आहे. हे इंजिन सुमारे 563 हॉर्सपावर आणि 900 Nm टॉर्क निर्माण करते. आकाराने मोठी असतानाही ही कार अत्यंत स्मूद आणि शांत ड्रायव्हिंग अनुभव देते. तिचे प्रगत सस्पेन्शन सिस्टम खराब रस्त्यांवरही प्रवास आरामदायक बनवते.