Pakistan Islamabad Blast Updates: पाकिस्तानच्या सुरक्षा दलांनी इस्लामाबादमधील मशिदीवर झालेल्या आत्मघाती हल्ल्याचा मास्टरमाइंड आणि त्याच्या ३ साथीदारांना अटक केली आहे. हा स्फोट इस्लामाबादमधील तलाई (Tarlai) भागात असलेल्या 'खदिजा अल-कुबरा' मशिदीत जुम्म्याची नमाज सुरू असताना झाला होता. या घटनेनंतर परिसरात सुरक्षा व्यवस्था अधिक कडक करण्यात आली आहे. या भीषण हल्ल्यात ३१ निष्पाप नागरिकांचा मृत्यू झाला होता, तर १६९ हून अधिक लोक जखमी झाले होते.
मास्टरमाइंडची ओळख
पाकिस्तानचे गृहमंत्री मोहसिन नक्वी यांनी जाहीर केले की, अटक करण्यात आलेल्या ४ संशयितांपैकी एक अफगाण नागरिक असून तोच या संपूर्ण हल्ल्याचा मास्टरमाइंड (सूत्रधार) आहे. इस्लामिक स्टेट (IS) या दहशतवादी संघटनेने या हल्ल्याची जबाबदारी स्वीकारली होती. सुरक्षा दलांनी रात्रभर राबवलेल्या शोधमोहिमेनंतर या दहशतवाद्यांना जेरबंद करण्यात यश आले आहे. दहशतवाद्यांना पकडण्यासाठी गेलेल्या सुरक्षा दलांवर आरोपींनी गोळीबार केला, ज्यामध्ये एक पाकिस्तानी पोलीस अधिकारी शहीद झाला असून तीन जण जखमी झाले.
पाकचा आरोप, भारताचे सडेतोड प्रत्युत्तर
तपासात असे समोर आले आहे की, आत्मघाती हल्लेखोर हा पाकिस्तानी नागरिक होता, परंतु त्याने नुकताच अफगाणिस्तानचा दौरा केला होता, जिथे त्याला प्रशिक्षणासह रसद पुरवण्यात आली होती. या घटनेनंतर पाकिस्तानने नेहमीप्रमाणे कोणताही पुरावा न देता भारतावर आरोप करण्याचा प्रयत्न केला होता, ज्याचा भारताने सडेतोड उत्तर देत तीव्र निषेध केला. भारताने स्पष्ट केले की, पाकिस्तानने आपल्या अंतर्गत समस्यांसाठी इतरांना दोष देण्याऐवजी स्वतःच्या भूमीवरील दहशतवादाचा नायनाट करावा.
Web Summary : Pakistan's attempt to blame India for a mosque attack backfired. An Afghan national was identified as the mastermind behind the Islamabad bombing. Security forces arrested him and three others after a raid. India strongly condemned Pakistan's baseless accusations.
Web Summary : मस्जिद हमले के लिए भारत पर आरोप लगाने का पाकिस्तान का प्रयास विफल हो गया। इस्लामाबाद बम विस्फोट के पीछे एक अफगान नागरिक को मास्टरमाइंड के रूप में पहचाना गया। सुरक्षा बलों ने छापे के बाद उसे और तीन अन्य को गिरफ्तार कर लिया। भारत ने पाकिस्तान के निराधार आरोपों की कड़ी निंदा की।