धक्कादायक! २१ वर्षीय मॉडलची गेस्ट हाऊसमध्ये हत्या, शरीरावर दिसले चाकूचे १४ वार

OnlyFan Model Murdered : इथे एका गेस्टहाउसमध्ये २१ वर्षीय OnlyFans मॉडल मेलानी जुआरेजचा मृतदेह आढळून आला. मॉडलच्या शरीरावर चाकूचे १४ वार होते.

काही दिवसांपूर्वीच बांग्लादेशच्या एका अभिनेत्रीच्या हत्येच्या बातमीने खळबळ उडाली होती. आता दक्षिण अमेरिकेतील (America) अर्जेटाइनामध्ये (Argentiana) एका मॉडलची हत्या (OnlyFan Model Murdered) झाल्याने खळबळ उडाली आहे. अर्जेंटाइनाच्या रोसारियो शहरातील ही घटना आहे. इथे एका गेस्टहाउसमध्ये २१ वर्षीय OnlyFans मॉडल मेलानी जुआरेजचा मृतदेह आढळून आला. मॉडलच्या शरीरावर चाकूचे १४ वार होते.

Daily Star च्या वृत्तानुसार, ही घटना १७ जानेवारीची आहे. या घटनेबाबत तेव्हा समजलं जेव्हा तिच्या एका मित्राने तिला फोन लावला, पण तिने उचलला नाही. तेव्हा तिच्या मित्राने तिच्या बहिणीला फोन लावला आणि गेस्टहाउसमध्ये बोलवलं. तिथे एका दुसऱ्या चावीने रूमचा दरवाजा उघडण्यात आला.

दुसऱ्या चावीने दरवाजा उघडून आत गेल्यावर सर्वांनाच धक्का बसला. कारण तिच्या बहिणीचा मृतदेह जमिनीवर पडला होता आणि डोकं बेडच्या मेट्रेसवर होतं. तिच्या शरीरावर अनेक गंभीर घावही दिसले.

फॉरेन्सिक एक्सपर्ट काही गोष्टींची नोंद घेताना हैराण झाले. दरवाजा आतून बंद होता. कोणतीही खिडकी उघडी नव्हती. रूममधील सगळे लाइट्स बंद होते आणि टीव्ही फुल व्हॉल्यूमवर सुरू होता.

त्या रूममधून एक वस्तू गायब होती. ती वस्तू म्हणजे मॉडलचा मोबाइल फोन. मेलानीच्या मृत्यूबाबत एक्सपर्ट असा अंदाज लावत आहेत की, रविवारी सकाळी तिची हत्या करण्यात आली. पोलीस पुढील कारवाई करत आहेत.