तेहरान/तेल अवीव: मध्य-पूर्वेतील युद्धाने आता सर्वात भीषण वळण घेतले आहे. इस्रायली संरक्षण दलाने बुधवारी इराणची राजधानी तेहरानमधील सर्वात महत्त्वाच्या आणि अतिसुरक्षित अशा 'सेंट्रल कमांड' लष्करी संकुलावर मोठा हवाई हल्ला केल्याचा दावा केला आहे. या हल्ल्यानंतर इराणचे राष्ट्राध्यक्ष मसूद पजशकियान यांनी आक्रमक पवित्रा घेत, "आता आमच्याकडे इस्रायलला चोख प्रत्युत्तर देण्याशिवाय कोणताही पर्याय उरलेला नाही," असे स्पष्ट केले आहे.
इस्रायली लष्कराच्या दाव्यानुसार, ज्या संकुलावर हल्ला करण्यात आला तिथे इराणच्या अनेक गुप्तचर यंत्रणा आणि इस्लामिक रिव्होल्यूशनरी गार्ड कॉर्प्सचे मुख्य कार्यालय होते. इराणचे नेतृत्व लष्करी मोहिमांचे नियोजन याच केंद्रातून करत असे, जे आता इस्रायलने लक्ष्य केले आहे.
इराणी राष्ट्राध्यक्षांचा खुलासाराष्ट्राध्यक्ष पजशकियान यांनी सोशल मीडियाद्वारे आखाती देशांना संबोधित करताना सांगितले की, "इराणने कूटनीतिक मार्गांनी युद्ध टाळण्याचा सर्वतोपरी प्रयत्न केला. मात्र, अमेरिका आणि इस्रायलने केलेल्या थेट हल्ल्यांमुळे आता प्रत्युत्तर देणे ही आमची मजबुरी आहे." इराणने स्पष्ट केले आहे की, ते इतर देशांच्या सार्वभौमत्वाचा आदर करतात आणि मध्य-पूर्वेची सुरक्षा ही केवळ सामूहिक प्रयत्नांनीच शक्य आहे. कतारच्या पंतप्रधानांशी झालेल्या चर्चेनंतर पजशकियान यांनी ही भूमिका मांडली आहे.
युद्धाचा परिणामया हल्ल्यामुळे इराणची लष्करी रणनीती आणि नेतृत्व साखळीला मोठा धक्का बसल्याचे मानले जात आहे. तेहरानमधील या थेट प्रहारामुळे आता इराणकडून मोठ्या प्रमाणावर 'बॅलिस्टिक क्षेपणास्त्र' हल्ले होण्याची शक्यता लष्करी विश्लेषकांनी वर्तवली आहे.
Web Summary : Israel's strike on Tehran's military HQ prompts Iran's warning of inevitable retaliation. President Pajshakian accuses US, Israel for attacks, signaling heightened Mideast tensions and potential ballistic missile responses.
Web Summary : तेहरान में इज़राइल के हमले के बाद ईरान की जवाबी कार्रवाई की चेतावनी। राष्ट्रपति पजशकियान ने अमेरिका, इज़राइल पर हमलों का आरोप लगाया, जिससे मध्य पूर्व में तनाव बढ़ा और बैलिस्टिक मिसाइल प्रतिक्रिया की आशंका है।