Iran Israel War: इराण आणि इस्रायलमधीलयुद्ध दुसऱ्या आठवड्यातही सुरूच आहे. असे असताना, इराणचा शासक अयातुल्ला अली खामेनी ( Ayatollah Ali Khamenei ) याच्या कुटुंबातून एक आश्चर्यकारक प्रतिक्रिया आली आहे. खामेनी यांचा पुतण्या महमूद मोरादखानी ( Mahmoud Moradkhani ) हा फ्रान्समध्ये राहतो. त्याने एका मुलाखतीत म्हटले आहे की तो या युद्धाच्या बाजूने नाही. त्याचा या युद्धाला विरोध आहे. परंतु इस्लामिक रिपब्लिक शासनाचा अंत हाच खरा शांततेचा मार्ग आहे असे त्याचे म्हणणे आहे.
"खामेनी राजवटीचा नाश करू शकणाऱ्या गोष्टींना सध्या प्रोत्साहन देणे आवश्यक आहे. आता आपण इथपर्यंत पोहोचलो आहोत, त्यामुळे हे करायलाच हवे," असे म्हणत १९८६ मध्ये इराण सोडलेल्या मोरादखानीने त्याच्या काकांच्या हुकूमशाही राजवटीचा तीव्र शब्दात विरोध केला. मोरादखानीने रॉयटर्सला सांगितले की इस्रायलशी लष्करी संघर्ष दुर्दैवी आहे. परंतु ज्या हुकूमशाही व्यवस्थेत शासन झुकत नाही किंवा सुधारणा स्वीकारत नाही अशा देशावर (इराण) ही वेळ नाईलाजाने कधी ना कधी येणे अपरिहार्य आहे.
इस्लामिक राजवट संपली पाहिजे: मोरादखानी
मोरादखानी म्हणाला, "मला खूप वाईट वाटते की गोष्टी या टप्प्यावर आल्या आहेत. पण खामेनींच्या हत्येमुळे राजवट लगेच संपेल का? हा एक वेगळा प्रश्न आहे. इराणमध्ये इंटरनेट बंद असल्याने लोक आपल्या लोकांशी संपर्क साधू शकत नाही, परंतु लोकांना असा विश्वास आहे की बरेच इराणी लोक राजवटीच्या कमकुवतपणाची चिन्हे पाहून आनंदी झाली असतील. कारण अशा राजवटीत सारेच हतबल होतात. हे जितक्या लवकर संपेल तितके चांगले. ते इस्लामिक रिपब्लिकच्या अंताने संपले पाहिजे. अन्यथा हा एक निरुपयोगी पराभव असेल आणि मला अजूनही विश्वास आहे की इस्रायली राजवट निश्चितच बदला घेईल."