इस्रायलची एअर डिफेन्स सिस्टीम कोसळली! इराणची क्षेपणास्त्रे आदळू लागली, यरुशलममध्ये हाहाकार

Iran ballistic missile attack on Jerusalem: इराणच्या IRGC ने युएईमधील इस्रायलचे THAAD रडार नष्ट केले असून अमेरिकन इंधनवाहू नौकेवरही हल्ला केला आहे. यरुशलममध्ये बॅलिस्टिक क्षेपणास्त्र पडल्याने मोठी हानी. वाचा युद्धाचे ताजे अपडेट्स.

तेहरान/यरुशलम: इराण आणि इस्रायलमधील संघर्ष आता निर्णायक वळणावर पोहोचला आहे. इराणच्या रिव्होल्युशनरी गार्ड्सने दावा केला आहे की, त्यांनी संयुक्त अरब अमिरातीमधील 'अल-रुवैस' येथे तैनात असलेली इस्रायलची प्रगत 'THAAD' रडार यंत्रणा पूर्णपणे नष्ट केली आहे. याशिवाय, अरबी समुद्रात अमेरिकन नौदलाला इंधन पुरवणारी एक मोठी नौकाही इराणच्या क्षेपणास्त्र हल्ल्यात निकामी झाली आहे. इराणने मध्यरात्री इस्रायलव भीषण हवाई हल्ले सुरु केले असून इस्रायलची हवाई सुरक्षा यंत्रणा भेदण्यात यशस्वी झाल्याचा दावा करण्यात आला आहे. 

इराणच्या एरोस्पेस फोर्सने डागलेल्या एका 'प्रिसिजन' (अचूक) क्षेपणास्त्राने युएईमधील इस्रायली क्षेपणास्त्र संरक्षण नेटवर्कचा मुख्य कणा असलेले THAAD रडार उडवून दिले आहे. यामुळे या भागातील इस्रायलची सुरक्षा कवच भेदली गेली आहे. यामुळे इराणची बहुतांश क्षेपणास्त्रे इस्रायलच्या राजधानीवर आदळू लागली असून इस्रायलमध्ये मोठ्या प्रमाणावर अॅम्बुलन्स धावताना आणि हवाई हल्ले होतानाचे व्हिडीओ सोशल मीडियावर पोस्ट केले जात आहेत. एक इमारत कोसळल्याचेही सांगितले जात आहे.

अमेरिकन नौदलाला फटका

चाबहार किनारपट्टीपासून ७०० किलोमीटर अंतरावर अमेरिकन ताफ्याला इंधन पुरवणाऱ्या जहाजाला इराणने ड्रोन आणि क्षेपणास्त्रांनी लक्ष्य केले. हे जहाज आता पूर्णपणे निकामी झाले असून, इराणची 'अँटी-शिप' क्षेपणास्त्र यंत्रणा अजूनही अमेरिकन जहाजांचा पाठलाग करत आहे.

यरुशलममध्ये भीषण स्फोटइराणच्या बॅलिस्टिक क्षेपणास्त्र हल्ल्याने व्याप्त यरुशलम हादरले आहे. क्षेपणास्त्र कोसळल्यानंतर या भागात प्रचंड आग लागली असून इस्रायली वसाहतवाद्यांमध्ये मोठी घबराट पसरली आहे. जखमींना वाचवण्यासाठी रुग्णवाहिका आणि बचाव पथकांची मोठी धावपळ सुरू आहे. यरुशलममधील हल्ल्यानंतर इस्रायली प्रशासनाकडून माहिती लपवण्याचा प्रयत्न होत असल्याचा दावा केला जात आहे, तरीही तिथे मोठ्या प्रमाणात जीवितहानी झाल्याची शक्यता वर्तवण्यात येत आहे.