होळी सण हा केवळ भारतापुरता मर्यादित राहिलेला नाही. भारताच्या सीमा ओलांडून होळी आता एक जागतिक उत्सव बनला आहे. न्यूयॉर्कच्या गजबजलेल्या रस्त्यांपासून ते सिडनीच्या किनारपट्टीपर्यंत जगभरात भारतीय रंगांची जादू पाहायला मिळत आहे.
भारताच्या शेजारील देशांमध्ये होळीचा उत्साह अगदी आपल्यासारखाच असतो. नेपाळमध्ये होळीला फागु पौर्णिमा म्हणतात. हा उत्सव दोन दिवस चालतो. पहिल्या दिवशी डोंगराळ भागात, तर दुसऱ्या दिवशी मैदानी भागात रंगांची मोठी उधळण केली जाते. बांगलादेशमध्ये या सणाला डोल पौर्णिमा किंवा वसंत ऋतूचा उत्सव म्हणून ओळखले जाते. हिंदू समुदाय मोठ्या उत्साहात वसंताचे स्वागत करतो. तर, पाकिस्तानातील सिंध प्रांतात हिंदू कुटुंबे एकत्र येऊन मंदिरांमध्ये पारंपरिक पद्धतीने होळी साजरी करतात.
पाश्चात्य देशांना लागले रंगांचे वेड
अमेरिका: अमेरिकेतील युटा येथील स्पॅनिश फोर्कमधील 'हरे कृष्ण मंदिरा'त जगातील सर्वात मोठ्या होळी कार्यक्रमांपैकी एक आयोजित केला जातो. येथे हजारो लोक एकत्र येऊन रंगात न्हाऊन निघतात. न्यूयॉर्कमध्ये 'कलर रन' आणि रंगीत परेडचे आयोजन केले जाते.
ब्रिटन: लंडन, लेस्टर आणि बर्मिंगहॅममध्ये भारतीय संगीत आणि नृत्यासह होळीचे मोठे मेळे भरतात. विशेष म्हणजे, यात केवळ भारतीयच नव्हे तर स्थानिक परदेशी नागरिकही मोठ्या संख्येने सहभागी होतात.
मॉरिशस: मॉरिशसला लिटल इंडिया म्हटले जाते. येथे होळीची सार्वजनिक सुट्टी असते. लोक पारंपरिक पद्धतीने होलिका दहन करतात आणि फाग गाणी गात आनंद साजरा करतात.
फिजी: येथे होळीला पागुआ म्हटले जाते. प्राचीन रीतिरिवाजांनुसार एकमेकांना रंग लावून सण साजरा करण्याची येथे प्रथा आहे.
ऑस्ट्रेलिया आणि दक्षिण आफ्रिका: सिडनी, मेलबर्न, डर्बन आणि जोहान्सबर्ग यांसारख्या शहरांमध्ये आता मोठे होळी मेळे भरू लागले आहेत, ज्यामुळे संपूर्ण जग एका रंगात रंगल्याचे चित्र पाहायला मिळते.
Web Summary : Holi transcends borders, celebrated globally from New York to Sydney. Nepal marks it as Fagu Purnima. Western nations embrace Holi with color runs and festivals. Mauritius observes a public holiday, while Fiji knows it as Pagua, uniting diverse cultures in joyous revelry.
Web Summary : होली सीमाओं से परे, न्यूयॉर्क से सिडनी तक विश्व स्तर पर मनाई जाती है। नेपाल में इसे फागु पूर्णिमा के रूप में मनाया जाता है। पश्चिमी देश रंग दौड़ और त्योहारों के साथ होली को अपनाते हैं। मॉरीशस में सार्वजनिक अवकाश होता है, जबकि फिजी में इसे पागुआ के नाम से जाना जाता है, जो विभिन्न संस्कृतियों को आनंदमय उत्सव में एकजुट करता है।