पंतप्रधान नरेंद्र मोदी यांचा जूनमध्ये अमेरिका दौरा, मोदींच्या दौऱ्यासाठी उत्सुक : जो बायडेन

भारतासोबत अमेरिकेची महत्त्वपूर्ण भागीदारी आहे.

वॉशिंग्टन : पंतप्रधान नरेंद्र मोदी यांच्या जूनमध्ये होणाऱ्या आगामी दौऱ्यात त्यांच्याशी व्यापार आणि पर्यावरणाशी संबंधित मुद्द्यांवर चर्चा करण्यासाठी अमेरिका उत्सुक  आहे, असे बायडेन प्रशासनाने गुरुवारी सांगितले.

राज्य विभागाचे उपप्रवक्ते वेदांत पटेल यांनी त्यांच्या दैनंदिन वार्ताहर परिषदेत पत्रकारांना सांगितले की, आम्ही पंतप्रधान मोदी आणि भारत सरकारच्या सदस्यांना आगामी राज्य दौऱ्यात स्वागत करण्यासाठी उत्सुक आहोत. भारतासोबत अमेरिकेची महत्त्वपूर्ण भागीदारी आहे. आम्ही ती आणखी वृद्धिंगत करण्यासाठी पावले उचलण्यास उत्सुक आहोत. हा दौरा हवामानाच्या संकटाशी निगडित तसेच व्यापारविषयक समस्या सोडवणे, सुरक्षा सहकार्य वाढवणे आदी विषयांवर बोलण्याची एक मोठी संधी असेल, असेही ते म्हणाले.