मध्यपूर्वेत गेल्या २० दिवसांहून ही अदिक कालापासून जबरदस्त युद्ध सुरू आहे. आता या युद्धात आता ब्रिटनही एन्ट्री करताना दिसत आहे. ब्रिटनने अरबी समुद्रात आपली अणुशक्तीवर चालणारी 'HMS Anson' ही पाणबुडीही तैनात केली आहे. 'डेली मेल'ने दिलेल्या वृत्तानुसार, ही पाणबुडी टॉमहॉक ब्लॉक IV क्रूझ मिसाइल्सने सुससज्ज असून शेकडो मैल दूरवर असलेल्या लक्ष्यावरही अचूक मारा करू शकते.
आता अमेरिका ब्रिटिश तळांचा वापर करू शकणार -महत्वाचे म्हणजे, एक मोठा धोरणात्मक बदल करत, ब्रिटनने अमेरिकेला इराणविरुद्ध आपले लष्करी तळ वापरण्याची परवानगी दिली आहे. यामुळे आता, होर्मुझच्या सामुद्रधुनीतील जहाजांना लक्ष्य करणाऱ्या इराणी ठिकाणांना नष्ट करण्यासाठी अमेरिका ब्रिटिश तळांचा वापर करू शकते.
दरम्यान, यूके मेरिटाइम अथॉरिटीने दिलेल्या माहितीनुसार, संयुक्त अरब अमिरातीच्या (UAE) किनाऱ्याजवळ एका व्यापारी जहाजाला लक्ष्य करण्यात आले आहे. ही घटना संयुक्त अरब अमिरातीमधील शारजाच्या उत्तरेला सुमारे १५ सागरी मैल अंतरावर घडल्याचे सांगण्यात आले आहे.
इराणला ४८ तासांचा अल्टिमेटम -यातच, अमेरिकेचे राष्ट्राध्यक्ष डोनाल्ड ट्रम्प यांनी आक्रमक पवित्रा घेत इराणला ४८ तासांचा अल्टिमेटम दिला आहे. "जर इराणने ४८ तासांत होर्मुजची सामुद्रधुनी खुली केली नाही, तर त्यांचे पॉवर प्लांट्स नष्ट करण्यात येतील," अशी थेट धमकीच ट्रम्प यांनी दिला आहे. ट्रम्प यांच्या या धमकीला इराणनेही थेट प्रत्युत्तर दिले आहे. "जर आपल्या इंधन आणि ऊर्जा पायाभूत सुविधांवर हल्ला झाला, तर या भागांतील सर्व अमेरिकन ऊर्जा तळांना लक्ष्य केले जाईल," असे इशारा इराणने दिला आहे. यामुळे मिडल ईस्टमध्ये महायुद्धाचे ढग आणखी गडद होताना दिसत आहेत.
Web Summary : Britain deploys HMS Anson to the Arabian Sea, potentially blockading Iran. The US gains access to British bases, escalating tensions. Iran faces a US ultimatum over the Strait of Hormuz, threatening wider conflict. UAE coast targeted.
Web Summary : ब्रिटेन ने अरब सागर में HMS Anson तैनात किया, संभावित रूप से ईरान की नाकाबंदी। अमेरिका को ब्रिटिश ठिकानों तक पहुंच प्राप्त है, जिससे तनाव बढ़ रहा है। ईरान को होर्मुज जलडमरूमध्य पर अमेरिकी अल्टीमेटम का सामना करना पड़ रहा है, जिससे व्यापक संघर्ष का खतरा है। यूएई तट लक्षित।