"आमच्याकडे अफाट शक्ती, अमर्याद दारुगोळा आणि भरपूर वेळ आहे. आज या नीच लोकांचे काय होते ते फक्त पहा", असे म्हणत अमेरिकेचे अध्यक्ष डोनाल्ड ट्रम्प यांनी इराणला पुन्हा एकदा धमकी दिली आहे. ट्रम्प यांच्या विधानाने युद्ध लवकर थांबण्याची शक्यताही माळवताना दिसू लागली आहे.
अमेरिकेचे अध्यक्ष डोनाल्ड ट्रम्प यांनी ट्रूथ सोशल या सोशल मीडिया प्लॅटफॉर्मवर एक पोस्ट करत इराणी नेत्यांना पृथ्वी संपवल्याचा दावा केला आहे आणि राहिलेल्यांनाही अमेरिकेचा अध्यक्ष संपवणार असल्याची धमकी दिली आहे.
"त्यांचे नेते पृथ्वीवरून संपवले"
ट्रम्प यांनी आपल्या पोस्टमध्ये म्हटले आहे की, "आम्ही इराणची दहशतवादी राजवट लष्करी, आर्थिक आणि इतर सर्व मार्गांनी पूर्णपणे नष्ट करत आहोत. पण जर तुम्ही 'न्यूयॉर्क टाइम्स' वृत्तपत्र वाचले, तर तुम्हाला चुकीचे वाटू शकते की आम्ही जिंकत नाही आहोत."
"इराणचे नौदल संपले आहे, त्यांची वायुसेना आता उरलेली नाही. त्यांची क्षेपणास्त्रे, ड्रोन्स आणि इतर सर्व काही उद्ध्वस्त होत आहे आणि त्यांचे नेते या पृथ्वीवरून पूर्णपणे संपवले गेले आहेत", असा दावा ट्रम्प यांनी केला.
इराणींना मारणे, हा माझ्यासाठी मोठा सन्मान
ट्रम्प यांनी पुढे म्हटले आहे की, "आमच्याकडे प्रचंड ताकद आहे. अमर्याद दारुगोळा आणि भरपूर वेळ आहे. आज या नीच लोकांचे काय होते, ते फक्त पहा. त्यांनी ४७ वर्षांपासून जगभरातील निर्दोष लोकांना मारले आहे आणि आता मी, अमेरिकेचा ४७वा राष्ट्राध्यक्ष म्हणून, त्यांना संपवत आहे. हे करणे हा माझ्यासाठी मोठा सन्मान आहे", असे सांगत ट्रम्प यांनी इराणला इशारा दिला आहे.
मोजतबा खामेनेई कदाचित जिवंत आहेत -ट्रम्प
ही पोस्ट करण्यापूर्वी फॉक्स न्यूजचा रिपोर्टनुसार द ब्रायन किल्मीड शोमध्ये ट्रम्प म्हणाले होते की, 'मला वाटते की, ते (मोजतबा खामेनेई) हे कदाचित (जिवंत) आहेत. मला वाटते की ते जखमी झाले आहेत, पण ते कुठल्यातरी अवस्थेत जिवंत आहेत.'
ट्रम्प असेही म्हणाले की, 'देशांनी होर्मुझच्या सामुद्रधुनीतून जहाज नेली पाहिजेत. थोडे धाडस दाखवले पाहिजेत. यामध्ये घाबरण्यासारखे काहीही नाही. त्यांच्याकडे कोणतेही नौदल उरलेले नाही आणि त्यांच्या सर्व युद्धनौका बुडवल्या आहेत.'
Web Summary : Donald Trump issued a fresh warning to Iran, boasting of America's immense power and vowing to eliminate Iranian leaders. He claimed Iran's military is decimated and stated that destroying the regime is an 'honor'.
Web Summary : डोनाल्ड ट्रंप ने ईरान को फिर चेतावनी दी, अमेरिका की अपार शक्ति का दावा किया और ईरानी नेताओं को खत्म करने की कसम खाई। उन्होंने दावा किया कि ईरान की सेना तबाह हो गई है और कहा कि शासन को नष्ट करना 'सम्मान' है।