America Israel Iran War: आम्हाला कुणाच्याही मदतीची गरज नाही, मित्र राष्ट्रांनी हात झटकल्यानंतर अमेरिकेचा संताप!

America Israel Iran War Updates: मध्य पूर्वेमधील  युद्ध आता एका अत्यंत स्फोटक वळणावर पोहोचले आहे. अमेरिका- इस्रायल आणि इराणवर यांच्यातील सुरू झालेल्या या युद्धात आता जागतिक राजकारणाचे समीकरण बदलताना दिसत आहे.

मध्य पूर्वेमधील  युद्ध आता एका अत्यंत स्फोटक वळणावर पोहोचले आहे. अमेरिका- इस्रायल आणि इराणवर यांच्यातील सुरू झालेल्या या युद्धात आता जागतिक राजकारणाचे समीकरण बदलताना दिसत आहे. इराणने होर्मुझची सामुद्रधुनी बंद केल्याने निर्माण झालेल्या पेचप्रसंगात अमेरिकेचे अध्यक्ष डोनाल्ड ट्रम्प यांनी मित्र राष्ट्रांकडे मदत मागितली होती, परंतु नाटो देशांसह जपान आणि ऑस्ट्रेलियानेही लष्करी सहकार्य देण्यास नकार दिला. या पार्श्वभूमीवर ट्रम्प यांनी ट्रुथ सोशलवर पोस्ट करत मित्र राष्ट्रांना खडे बोल सुनावले आहेत.

ट्रम्प यांनी आपल्या पोस्टमध्ये मित्र राष्ट्रांच्या भूमिकेबद्दल तीव्र नाराजी व्यक्त केली आहे. त्यांनी म्हटले की, "आमच्या बहुतेक नाटो मित्र राष्ट्रांनी आम्हाला कळवले आहे की, इराणमधील दहशतवादी राजवटीविरुद्धच्या मोहिमेत त्यांना सहभागी व्हायचे नाही. त्यांनी मदतीला नकार दिला आहे. मला याचे आश्चर्य वाटत नाही. कारण नाटो ही एक संस्था आहे, त्यांच्या सुरक्षेसाठी अब्जावधी डॉलर्स खर्च करतो, पण गरजेच्या वेळी ते सोबत नसतात."

मित्र राष्ट्रांच्या मदतीशिवाय अमेरिकेने इराणच्या नाकी नऊ आणले आहे. अमेरिकेने इराणचे नौदल, हवाई दल यंत्रणा पूर्णपणे निकामी केली आहे. इराणच्या जवळपास प्रत्येक स्तरावरील नेत्यांना संपवण्यात आले आहे, जेणेकरून ते पुन्हा कधीही अमेरिकेला किंवा मध्य-पूर्वेला धमकावू शकणार नाहीत.

नाटो देशांशिवाय जपान, ऑस्ट्रेलिया आणि दक्षिण कोरियानेही मदतीचा हात पुढे न केल्याने ट्रम्प यांनी अमेरिकेने 'एकला चलो रे'ची घोषणा. "जगातील सर्वात शक्तिशाली देश असलेल्या अमेरिकेचा राष्ट्राध्यक्ष म्हणून मी सांगू इच्छितो की, आम्हाला कोणाच्याही मदतीची गरज नाही आणि गरजही नाही, अशा शब्दांत ट्रम्प यांनी आपली भूमिका स्पष्ट केली. 

अमेरिका आणि इस्रायलचा इराणवर संयुक्त हल्ला केला. इराणचे नवीन सर्वोच्च नेते मोजतबा खामेनी यांनी प्रत्युत्तर म्हणून जागतिक व्यापारासाठी महत्त्वाची असलेली होर्मुझची सामुद्रधुनी बंद केली. रशिया, चीन आणि जपानसह नाटो देशांनी अमेरिकेच्या लष्करी मोहिमेत सामील होण्यास असमर्थता दर्शवली. या युद्धामुळे जागतिक इंधन पुरवठा आणि सुरक्षेवर मोठे प्रश्नचिन्ह निर्माण झाले असून, ट्रम्प यांच्या या भूमिकेनंतर अमेरिका आता स्वबळावर पुढील पावले उचलणार असल्याचे स्पष्ट झाले आहे.