अफगाणिस्तानची (Afghanistan) राजधानी काबुल ताब्यात घेऊन राजवट स्थापन करण्याच्या तयारीत तालिबान (Taliban) आहे. परंतू अफगानिस्तानच्या 34 प्रांतापैकी एक असलेला हा पंजशीर (Panjshir) प्रांत ना कधी सोव्हिएत रशियाच्या ताब्यात आला ना आधीच्या तालिबान राजवटीच्या. पंजशीरने तालिबानसमोर सरेंडर केले असते तर ती एक मोठी घटना असली असती. तालिबानने तसा प्रयत्नही केला. पंजशीर ताब्यात घेण्यासाठी तालिबानने दहशतवादी देखील पाठविले. परंतू, एकाच झटक्यात 300 हून अधिक दहशतवाद्यांना पंजशीरच्या लढवय्यांनी मारले. यामुळे तालिबान आता नमला आहे. (Talks between the Taliban and the Northern Alliance have resumed in Panjsheer, Afghanistan.)
Afghanistan: हिम्मत लागते! अफगानिस्तान अजून पडलेले नाही; एक प्रांत अजूनही लढतोय
Afghanistan: पंजशीरमध्ये अफगाण योद्ध्यांनी केलेले स्वागत पाहून तालिबानी हादरले; Video व्हायरल
तालिबानने पंजशीरमध्ये घुसण्याचा प्रयत्न करणार नसल्याचे जाहीर करून टाकले आहे. दोन्ही गटांमध्ये जोरदार लढाई सुरु होती. मात्र, तालिबानने सीझफायर करार करण्याचा निर्णय घेतला आहे. पंजशीरचा नेता अहमद मसूरने तालिबानला लढण्याची इच्छा नाही, परंतू जबरदस्ती केली तर युद्ध करण्याचा इशारा दिला होता. तरीही तालिबानने तिकडे ताकद पाठविली होती. पंजशीर काही ताब्यात येत नाही, हे पाहून तालिबानने अहमदच्या नेतृत्वातील नॉर्दन अलायन्ससोबत चर्चा सुरु केली आहे. तालिबानकडून मौलाना अमीर खान मुक्तई चर्चा करत आहे. तालिबानने या चर्चेला अमन जिरगा असे नाव दिले आहे. ही बैठक परवान जिल्ह्यातील चारिकर भागात होत आहे.
Vida Samadzai: मिस अफगानी! बिकिनी घालून रँम्प वॉक, बिग बॉसमध्ये रोमान्स; देशात उडवलेली खळबळ
तालिबानने सांगितले की, दोन्ही बाजुंनी शस्त्रसंधीवर सहमती झाली आहे. पंजशीरमध्ये दोन्ही बाजुंनी कोणीही आता गोळीबार करणार नाही, तसेच तणावही उत्पन्न करण्याचा प्रयत्न केला जाणार नाही. महत्वाचे म्हणजे अफगाणिस्तानचे कार्यकारी राष्ट्राध्यक्ष अमरुल्ला सालेह देखील या भागात आहेत. त्यांनी म्हटले होते की, तालिबानला युद्ध हवे असेल तर युद्ध लढू.
नॉर्दर्न अलायंसने तालिबानसमोर काही अटी ठेवल्या आहेत. त्यावर तालिबानला निर्णय घ्यायचा आहे. दुसरीकडे तालिबान पंजशीरचा प्रश्न लवकरात लवकर सोडविण्याचा दावा करत आहे.
तालिबान आणि अल कायदाने मिळून 9/11 च्या हल्ल्याच्या दोन दिवस आधीच अहमद मसूद यांचे वडील अहमद शाह मसूद (Ahmad Shah Massoud) यांची हत्या केली होती. अफगानिस्तानचे माजी राष्ट्राध्यक्ष हामिद करजई (Hamid Karzai) यांनी अहमद शाह मसूद यांना राष्ट्राचे नायक असा खिताब दिला होता. त्यांना पंजशीरचा वाघही म्हटले जात होते. मसूद आणि त्यांच्य़ा साथीदारांनीच मिळून तालिबान राज संपविण्यात मोठी भूमिका निभावली होती. अहमद शाह मसूद यांनी सोव्हिएत रशियाला देखील पंजशीरची एक इंचही जागा घेऊ दिली नव्हती. त्यानंतर आलेल्या तालिबानलाही हा प्रांत कब्ज्यात घेता आला नव्हता. त्यांचा मुलगा पंजशीरचा नेता अहमद मसूद (Ahmad Massoud) तालिबानला शरण जाण्यास नकार दिला आहे.