अफगाणिस्तानच्या सरकारी प्रवक्त्यांनी मंगळवारी महत्त्वाची माहिती दिली आहे. अफगाणिस्तानची राजधानी काबुलमधील एका रुग्णालयावर पाकिस्तानने केलेल्या एअर स्ट्राईकमधील मृतांची संख्या वाढून ४०० झाल्याचं म्हटलं आहे.
हमदुल्ला फितरत यांनी सोशल मीडिया पोस्टद्वारे सांगितलं की, सोमवारी रात्री झालेल्या या हल्ल्यात रुग्णालयाचा मोठा भाग उद्ध्वस्त झाला आहे. त्यांनी दिलेल्या माहितीनुसार, आतापर्यंत ४०० लोकांचा मृत्यू झाला असून सुमारे २५० जण जखमी झाले आहेत. बचाव पथकं इमारतीला लागलेली आग विझवण्याचं आणि ढिगाऱ्याखालून मृतदेह बाहेर काढण्याचं काम करत आहेत.
पाकिस्तानने अफगाणिस्तानचा हा दावा खोटा ठरवला असून जनमताची दिशाभूल करण्यासाठी असे आरोप केले जात असल्याचं म्हटलं आहे. सोमवारी काबुल आणि नंगरहार प्रांतात केवळ लष्करी तळांनाच टार्गेट केल्याचं पाकिस्तानने स्पष्ट केलं.
अफगाणिस्तानच्या तालिबान सरकारचे उप-प्रवक्ते हमदुल्ला फितरत यांनी दिलेल्या माहितीनुसार, काबुलमधील 'उमर अडिक्शन ट्रीटमेंट हॉस्पिटल'वर स्थानिक वेळेनुसार रात्री ९ च्या सुमारास हा भीषण हल्ला झाला. हे रुग्णालय २,००० बेडचं असून या हल्ल्यात इमारतीचं प्रचंड नुकसान झालं आहे. पाकिस्तानचा खोटारडेपणा उघड झाला आहे.
अफगाणिस्तानचा क्रिकेटपटू राशिद खान याने आपल्या पोस्टमध्ये लिहिलं की, "काबुलमध्ये पाकिस्तानच्या एअर स्ट्राईकमुळे सामान्य नागरिकांचा बळी गेल्याच्या वृत्ताने मला प्रचंड दुःख झालं आहे. घरं, शैक्षणिक संस्था किंवा वैद्यकीय सुविधांना टार्गेट करणं हा गुन्हा आहे. विशेषतः रमजानच्या पवित्र महिन्यात, अत्यंत घृणास्पद आणि चिंतेचा विषय आहे. यामुळे केवळ द्वेष आणि फूट पडेल."
Web Summary : Afghanistan alleges Pakistan's airstrike on a Kabul hospital killed 400. Pakistan denies targeting civilians, claiming strikes hit only militant bases. The hospital, treating addiction, was severely damaged. Rashid Khan condemned the attack.
Web Summary : अफगानिस्तान का आरोप है कि पाकिस्तान के काबुल अस्पताल पर हवाई हमले में 400 लोग मारे गए। पाकिस्तान ने नागरिकों को निशाना बनाने से इनकार किया, सैन्य ठिकानों पर हमले का दावा किया। अस्पताल बुरी तरह क्षतिग्रस्त हो गया। राशिद खान ने हमले की निंदा की।