पश्चिम आशियातील वाढत्या तणावामुळे आणि इराणने केलेल्या क्षेपणास्त्र हल्ल्यांमुळे विस्कळीत झालेली हवाई वाहतूक आता काही अंशी पूर्वपदावर येत आहे. अबु धाबी ते दिल्ली आणि मुंबई या मार्गावरील विमानसेवा पुन्हा सुरू करण्यात आली आहे. सध्या ही सेवा 'मर्यादित' स्वरूपात सुरू असली तरी, यामुळे आखाती देशांत अडकलेल्या हजारो भारतीय प्रवाशांना मोठा दिलासा मिळाला आहे.
मध्य-पूर्वेतील रणसंग्राम सुरू असतानाच, अबु धाबीहून दिल्ली आणि मुंबईसाठी काही विमानांनी उड्डाण केले आहे. या विमानप्रवासात प्रवाशांनी जे पाहिले, ते ऐकून कोणाचेही हृदय धडधडेल. 'एतिहाद एअरवेज' आणि इतर विमानांतून मायदेशी पोहोचलेल्या भारतीयांनी आकाशातील क्षेपणास्त्र युद्धाचा जिवंत अनुभव कथन केला आहे. अबु धाबीहून दिल्लीच्या आयजीआय विमानतळावर पोहोचलेल्या शिव नावाच्या प्रवाशाने सांगितले की, "विमानातून खाली पाहताना आकाशात क्षेपणास्त्रांची मोठी हालचाल दिसत होती. अनेक क्षेपणास्त्रे हवेतच नष्ट होताना आम्ही डोळ्यांनी पाहिले,".
सुरक्षेच्या कारणास्तव सध्या सर्वच विमानांना परवानगी देण्यात आलेली नाही. केवळ काही निवडक विमान कंपन्यांना ठराविक वेळेत उड्डाण करण्याची मुभा देण्यात आली आहे. इराण आणि इराकमधील हवाई क्षेत्र अत्यंत धोकादायक असल्याने, विमाने आता लांबच्या आणि सुरक्षित मार्गाने वळवण्यात आली आहेत. यामुळे प्रवासाचा वेळ वाढण्याची शक्यता आहे. गेल्या काही दिवसांपासून विमानतळावर अडकून पडलेल्या प्रवाशांना प्राधान्याने भारतात आणले जात आहे. दोहा येथून गो इंडिगोची विमानसेवा सुरु होणार आहे.
इतर शहरांचे काय? दुबई आणि इतर संवेदनशील भागांतील विमानसेवा अद्याप पूर्णपणे सुरू झालेली नाही. तिथल्या परिस्थितीचा आढावा घेऊन पुढील निर्णय घेतला जाईल.
प्रवाशांसाठी मार्गदर्शक सूचना:१. विमानतळावर निघण्यापूर्वी आपल्या फ्लाईटचे स्टेटस ऑनलाइन तपासावे.२. तिकीट बुक करण्यापूर्वी ट्रॅव्हल ॲडव्हायझरी नक्की वाचावी.३. विमान कंपन्यांकडून मिळणाऱ्या अधिकृत मेसेज किंवा ईमेलवरच विश्वास ठेवावा.
Web Summary : Flights resume from Abu Dhabi to India amidst Middle East tensions. Passengers recount witnessing missile activity during the flight. Limited services operate with rerouted flights. Passengers stuck at airports are being prioritized.
Web Summary : मध्य पूर्व तनाव के बीच अबू धाबी से भारत के लिए उड़ानें फिर शुरू हो गईं। यात्रियों ने उड़ान के दौरान मिसाइल गतिविधि देखने की बात कही। सीमित सेवाएं फिर से रूट किए गए उड़ानों के साथ संचालित होती हैं। हवाई अड्डों पर फंसे यात्रियों को प्राथमिकता दी जा रही है।