नेपाळमध्ये हेलिकॉप्टर बेपत्ता! ५ परदेशी नागरिकांसह ६ जण असल्याने उडाली खळबळ
By ऑनलाइन लोकमत | Published: July 11, 2023 11:51 AM2023-07-11T11:51:35+5:302023-07-11T11:51:51+5:30
helicopter missing in nepal : नेपाळमध्ये एक हेलिकॉप्टर बेपत्ता झाल्याने एकच खळबळ माजली.
नेपाळमध्ये हेलिकॉप्टर बेपत्ता! ५ परदेशी नागरिकांसह ६ जण असल्याने उडाली खळबळ
Next काठमांडू : नेपाळमध्ये एक हेलिकॉप्टर बेपत्ता झाल्याने एकच खळबळ माजली. बेपत्ता हेलिकॉप्टरमध्ये ५ परदेशी नागरिकांसह ६ जण होते. अधिकारी ज्ञानेंद्र भुल यांनी दिलेल्या माहितीनुसार, हे हेलिकॉप्टर सोलुखुंबूहून काठमांडूला जात होते आणि सकाळी १० वाजता कंट्रोल टॉवरशी संपर्क तुटला. स्थानिक वेळेनुसार दहा वाजून बारा मिनिटांनी हेलिकॉप्टर निघाले होते.
A helicopter with 6 people on board has gone missing in Nepal.
— ANI (@ANI) July 11, 2023
“The chopper was en route to Kathmandu from Solukhumbu and got disconnected with the control tower at around 10 in the morning,” Information Officer Gyanendra Bhul.
The helicopter with the call sign 9NMV got off… pic.twitter.com/w1x0qM0QIW
नेपाळच्या नागरी उड्डाण मंत्रालयाने ट्विट केले असून हेलिकॉप्टरमध्ये सहा जण होते, त्यापैकी पाच प्रवासी आणि एक कॅप्टन होता अशी माहिती दिली आहे. शोध आणि बचावासाठी काठमांडूहून अल्टिट्यूड एअर हेलिकॉप्टर रवाना करण्यात आले आहे.
काठमांडू पोस्टच्या वृत्तानुसार, बेपत्ता हेलिकॉप्टरचा सकाळी सव्वा दहा वाजता कंट्रोल टॉवरशी संपर्क तुटला. त्रिभुवन आंतरराष्ट्रीय विमानतळाचे महाव्यवस्थापक प्रताप बाबू तिवारी यांनी दिलेल्या माहितीनुसार, कॉल साइन 9N-AMV असलेले हेलिकॉप्टर टेक ऑफ केल्यानंतर १५ मिनिटांनी संपर्काबाहेर गेले. खरं तर बेपत्ता हेलिकॉप्टरने सोलुखुंबूमधील सुर्की येथून सकाळी ९.४५ वाजता राजधानी काडमांडूकडे उड्डाण केले होते. कॅप्टन चेत गुरुंग यांनी चालवलेल्या हेलिकॉप्टरचा शोध घेण्याचे प्रयत्न सुरू आहेत.