वॉशिंग्टन - अमेरिकेतील आरकन्सॉ येथे एका महिला शिक्षिकेवर आपल्याच चार विद्यार्थ्यांसोबत सेक्स केल्याचा आरोप असून गुन्हा दाखल करण्यात आला आहे. पोलिसांनी दिलेल्या माहितीनुसार, महिलेने एकाच दिवशी दोन विद्यार्थ्यांसोबत आपल्या घरी शारिरीक संबंध ठेवले होते. पोलिसांनी याप्रकरणी गुन्हा दाखल केला असून, आर्ट शिक्षिका जेसी लॉनेव्ह गोलाइन यांच्यावर जानेवारी ते एप्रिल 2016 दरम्यान आपल्या विद्यार्थ्यांसोबत शारिरीक संबंध प्रस्थापित केल्याचा आरोप आहे.
फिर्यादी पक्षाने दिलेल्या माहितीनुसार, जेसी लॉनेव्ह गोलाइन यांच्यावर सुरुवातील फक्त एक गुन्हा नोंद करण्यात आला होता. त्यानुसार जेसी लॉनेव्ह गोलाइन यांनी एका अल्पवयीन विद्यार्थ्यासोबत शारिरीक संबंध ठेवले होते. पालकांनी केलेल्या तक्रारीनंतर जेसी लॉनेव्ह गोलाइन यांच्याविरोधातील चौकशीला सुरुवात झाली. जेसी लॉनेव्ह गोलाइन यांनी अनेक विद्यार्थ्यांसोबत शारिरीक संबंध ठेवल्याचा आरोप पालकांकडून करण्यात आला होता. जेसी लॉनेव्ह गोलाइन यांनीदेखील शाळा प्रशासनासमोर चार विद्यार्थ्यांसोबत शारिरीक संबंध ठेवल्याचा आरोप मान्य केला आहे.
एका विद्यार्थ्याने आपलं वय 18 सांगितलं होतं, मात्र नंतर त्याचं वय 18 पेक्षा कमी असल्याचं समोर आलं अशी माहिती एका शिक्षिकेने दिली आहे. मार्क्ड ट्री स्कूलच्या तीन तर पॉइनसेट स्कूलच्या एका विद्यार्थ्याने आपण जेसी लॉनेव्ह गोलाइन यांच्यासोबत अश्लिल चर्चा करायचो असं सांगितलं आहे. एका विद्यार्थ्याने जेसी लॉनेव्ह गोलाइन यांनी घरी नेऊन जबदरस्तीने सेक्स केल्याचा आरोप केला आहे. यानंतर त्यांनीच त्या विद्यार्थ्याला घरी नेऊन सोडलं होतं. जेसी लॉनेव्ह गोलाइन यांनी एका विद्यार्थ्याला आपले न्यूड फोटोही पाठवले होते.
प्रकरण समोर आल्यानंतर जेसी लॉनेव्ह गोलाइन यांचं निलंबन करण्यात आलं असून, शाळा परिसरात प्रवेश करण्यावर बंदी घालण्यात आली आहे. जेसी लॉनेव्ह गोलाइन यांना 19 जून रोजी अधिकृतपणे कामावरुन काढून टाकण्यात आलं आहे. सध्या जेसी लॉनेव्ह गोलाइन यांना पाच हजार डॉलर्सच्या बॉन्डवर जामीन देण्यात आला आहे. मात्र जर का दोषी आढळल्या तर जेसी लॉनेव्ह गोलाइन यांना 40 वर्षांच्या कारावासाची शिक्षा होऊ शकते.