नातं सीमेपलीकडचं... हृदयविकाराशी लढणाऱ्या पाकिस्तानी खेळाडूला भारताकडून हवाय मदतीचा हात!

हॉकी विश्वचषक विजेत्या पाकिस्तानी संघात महत्त्वाची भूमिका बजावलेल्या मन्सूर अहमदला उपचारासाठी भारतात यायचे आहे.

कराची - पाकिस्तानचा दिग्गज माजी हॉकीपट्टू मन्सूर अहमद सध्या हृदयरोगाने त्रस्त आहे. त्यामुळे मन्सूर अहमद यांनी हृदय प्रत्यारोपण शस्त्रक्रियेसाठी भारत सरकार आणि परराष्ट्र मंत्री सुषमा स्वराज यांच्याकडे विनवणी केली आहे. 1990 मध्ये पाकिस्तानी संघाचे कर्णधारपद संभाळणाऱ्या मन्सूर अहमद यांना हृदय प्रत्यारोपण शस्त्रक्रियेसाठी भारतात यायचे आहे. यासाठी त्यांनी व्हिडिओद्वारे व्हिसाची मागणी केली. 

हॉकी विश्वचषक विजेत्या पाकिस्तानी संघात महत्त्वाची भूमिका बजावलेल्या मन्सूर अहमदला पेसमेकर आणि स्टेंटच्या समस्या वाढल्याने हृदय प्रत्यारोपण करण्याशिवाय पर्याय नाही. हृदय प्रत्यारोपण करण्यासाठी त्यांना भारतात यायचे आहे. सध्याची भारत आणि पाकिस्तानची राजकिय परिस्थिती पाहता सुषमा स्वराज त्याना व्हिसा देणार का? याकडे सर्वांचे लक्ष आहे. 

Pakistan hockey hero seeks help from India on heart transplant to save his life pic.twitter.com/3qL0hWA7CK

— Shahid Hashmi (@hashmi_shahid) April 23, 2018

 

I visited Olympian & our Hockey legend, Mansoor Khan & assured of my full support for our national hero. I am so happy that he is getting better day by day and wish for his complete & speedy recovery. @SAFoundationN will fully take care our sporting legend. #SAFcares#HopeNotOutpic.twitter.com/008KuUwi3v

— Shahid Afridi (@SAfridiOfficial) April 14, 2018