Latest Hingoli News | Hingoli Marathi News | Latest Hingoli News in Marathi | हिंगोली: ताज्या मराठी बातम्या

- दिलीप कावरखेगोरेगाव (जि. हिंगोली ): यंदा निर्माण झालेल्या दुष्काळ परिस्थितीत शासन आदेश असूनही बँकांकडून पीककर्ज पुनर्गठन केले जात नाही. तेव्हा खत, बियाणे खरेदी व खरिपाच्या पेरणीचा गंभीर प्रश्न समोर उभा ठाकला आहे. यामुळे आमच्या किडन्या गहाण ठेवून पीककर्ज द्या, अशी मागणी गोरेगावसह परिसरातील शेतकऱ्यांकडून ३ मे रोजी लेखी निवेदनाद्वारे बँक शाखाधिकाऱ्यांकडे करण्यात आली आहे.गत खरीप हंगामात पावसाच्या अनियमिततेमुळे उत्पन्नात प्रचंड घट झाली आहे. तर रब्बी हंगामातही अवकाळीच्या घाल्यामुळे पिकांची नासाडी झाली आहे. असे असताना शेतकऱ्यांना उत्पन्न घटीचा दुहेरी फटका सहन करावा लागला आहे. एकंदरीत निर्माण झालेल्या दुष्काळ परिस्थितीत शेतकरी आर्थिक कंगाल झाल्याचे चित्र आहे. अगोदरच पीक कर्जापायी शेतजमिनी बँकांकडे गहाण असल्याने बँक कर्ज देईना. दुष्काळ परिस्थितीत पीककर्जाचे पुनर्गठन करण्याचे शासन आदेश असताना पुनर्गठन ही करण्यास नकार दिला जात आहे. तेव्हा पुढील खरीप हंगामासाठी खत बी-बियाणे खरेदी व पेरणीचा खर्च भागवायचा कसा ? असा गंभीर प्रश्न समोर उभा ठाकला आहे.शेतकऱ्यांनी दिले बँक शाखाधिकाऱ्यांना निवेदन...आमच्या किडन्या गहाण ठेवून किंवा विकत घेऊन आम्हाला ‘ पीककर्ज द्या’ अशी मागणी गोरेगावसह परिसरातील शेतकऱ्यांनी ३ मे रोजी गोरेगाव येथील भारतीय स्टेट बँकेच्या शाखाधिकाऱ्यांकडे लेखी निवेदनाद्वारे केली आहे. सदर निवेदनावर संगीता पतंगे, दसरथ मानमोठे, पांडुरंग मानमोठे, विनायक कावरखे, दशरथ मुळे, संतोष वैद्य, विजय कावरखे, रामराव पतंगे, विकास सावके आदी शेतकऱ्यांच्या स्वाक्षऱ्या आहेत.

Hingoli (Marathi News)

कायदेशीर कारवाई न करण्यासाठी ५ हजारांची लाच, सायबरच्या पोलिस अंमलदारावर गुन्हा ...

अपघातानंतर चालक घटनास्थळी न थांबता टेम्पो घेऊन पसार झाला ...

लाचलुचपत प्रतिबंधक विभागाने बसस्थानक परिसरात रंगेहाथ पकडले ...

हरभरा पिकाचे पैसे अद्याप बँक खात्यात जमा का झाले नाही? याची चौकशी शेतकऱ्यांनी केल्यानंतर उघडकीस आला प्रकार ...

कोणी दाखला सादर केला नाही तर ही जनावरे गो शाळेत पाठविली जाणार आहेत. ...

पतीचा सासरवाडीत पत्नीसोबत वाद झाला, हा वाद विकोपाला गेल्याने मेव्हणा संतापला ...

येथील मार्केट यार्डात पंधरवड्यापासून हळदीची विक्रमी आवक होत असल्याने काट्यासाठी दोन ते तीन दिवस लागत आहेत. ...

पतसंस्थेच्या अध्यक्षांसह ११ जणांवर हिंगोली शहर पोलिस ठाण्यात गुन्हा दाखल ...

उमरखेड तालुक्यातील खरुज येथील पाच जण कारने छत्रपती संभाजीनगर येथून परत गावाकडे येत असताना झाला अपघात ...

दुष्काळ परिस्थितीत शेतकरी आर्थिक कंगाल झाल्याचे चित्र ...