जिल्हास्तरीय विज्ञान प्रदर्शनाचे आयोजन

या प्रदर्शनाच्या उद्घाटनासाठी शिक्षणाधिकारी परसराम पावसे, डॉ. गणेशचंद्र शिंदे, प्राचार्य डॉ. ज. मु. मंत्री, शिवाजी पवार, प्रा. किशोर बोथरा, त्रिंबक केंद्रे, दिलीप बांगर आदींच्या हस्ते प्रदर्शनाचे उद्घाटन करण्यात येणार आहे. विद्यार्थ्यांमध्ये वैज्ञानिक दृष्टिकोन रुजावा, विज्ञानाची आवड निर्माण व्हावी, तसेच विज्ञान व तंत्रज्ञान यांची सांगड घालून विद्यार्थी सर्वगुणसंपन्न व्हावेत, यासाठी या विज्ञान प्रदर्शनाचे आयोजन करण्यात आले आहे. या विज्ञान प्रदर्शनामध्ये मॉडेल मेकींग, पोस्टर मेकींग व क्वीज अशा स्पर्धाचे आयोजन करण्यात आले आहे. सहभागी विद्यार्थ्यांना तथा विजेत्या विद्यार्थ्यांना प्रथम, द्वितीय, तृतीय पारितोषिकासह प्रमाणपत्र देण्यात येणार आहे.

याप्रसंगी रवींद्र धायतडक, संदीप सोनटक्के, शिवाजी पवार आदी मान्यवरांच्या हस्ते बक्षीस वितरण होईल. या प्रदर्शनामध्ये सहभागी होण्यासाठी शाळेच्या संकेतस्थळावर जाऊन नोंदणी करावी. जिल्ह्यातील जास्तीत जास्त शाळांनी आपल्या विद्यार्थ्यांसह सहभागी व्हावे, असे आवाहन प्राचार्य के.जे. जोसेफ, अनिता अनदन, विजय वसू, सचिन डोईफोडे यांनी केले आहे.