जिल्हा रुग्णालयात अज्ञातांनी फोडल्या व्हेंटिलेटरच्या काचा

हिंगोली : जिल्हा रुग्णालयातील व्हेंटिलेटरच्या काचा फोडत कर्मचाऱ्यांना शिवीगाळ करण्याचा प्रकार शनिवारी जिल्हा रुग्णालयातील कोरोना सेंटरमध्ये घडला. पंधरा दिवसांतील ही दुसरी घटना आहे. या प्रकरणी जिल्हा रुग्णालयाच्या वतीने शहर पोलीस ठाण्यात तक्रारही देण्यात आली आहे.

जिल्हा सामान्य रुग्णालय परिसरामध्ये असलेल्या कोरोना केअर सेंटरमध्ये १७ एप्रिल रोजी रात्रीच्या सुमारास रुग्णाला भेटायचे आहे, असे म्हणत कोरोना केअर सेंटरमध्ये प्रवेश केला. यानंतर, व्हेंटिलेेटरच्या काचा फोडून कर्तव्यावर असलेल्या कर्मचाऱ्यांना शिवीगाळही केली. यानंतर, शनिवारपासून जिल्हा रुग्णालयातील कोरोना केअर सेंटरवर पोलीस बंदोबस्तात वाढ करण्यात आली आहे. डॉक्टर व कर्मचाऱ्यांना वारंवार अज्ञांताकडून शिवीगाळ व मारहाण होत असल्याबद्दल आरोग्य कर्मचाऱ्यांमध्ये भीतीचे वातावरण पसरले आहे. त्यामुळे पाेलीस बंदाेबस्तात वाढ केली.

याबाबत आरोग्य सेविका ज्योतीताई पवार, डॉ.दीपक मोरे यांच्याशी संपर्क साधला असता, त्यांनी कोरोना केअरच्या अज्ञातांनी काचा फोडल्याचे सांगितले. या प्रकरणी जिल्हा रुग्णालयाच्या वतीने रीतसर शहर पोलीस ठाण्यात तक्रार दिल्याचे सांगितले. पोलिसांनी व्हेंटिलेटरच्या काचा फोडल्याप्रकरणी व कर्मचाऱ्यांना शिवीगाळ केल्याप्रकरणी गुन्हा दाखल करावा, अशी मागणीही आरोग्य कर्मचाऱ्यांनी केली आहे. रविवारी दुपारी गुन्हा दाखल करण्याची प्रक्रिया सुरू होती. फाेटाे नं. ०४