Sudden Heart attack reason : जम्मू-काश्मीरमध्ये एक कलाकार स्टेजवर परफॉर्म करताना हार्ट अटॅक येऊन मृत्यू पावला. ही घटना बिश्नाह भागात जागरणादरम्यान घडली. कार्यक्रमादरम्यान स्टेजवर शिव आणि पार्वतीची स्टोरी सुरू होती. पार्वतीच्या वेषात एक 20 वर्षीय तरूण डान्स करत होता. पण अचानक डान्स करता करता तरूण स्टेजवर पडला आणि बेशुद्ध झाला. लोकांना वाटलं की, हा परफॉर्मन्सचा भाग आहे. बराच वेळ तो उठला नाही तेव्हा शिवाची भूमिका करत असलेली व्यक्ती त्याच्याजवळ गेली आणि त्याला उठवण्याचा प्रयत्न केला. पण तोपर्यंत त्याचा मृत्यू झाला होता. लोक त्याला हॉस्पिटलमध्ये घेऊन गेले, पण डॉक्टरांनी त्याला मृत घोषित केलं.
काही दिवसांपूर्वीच उत्तर प्रदेशच्या गणेश चतुर्थी दरम्यान एका कलाकाराचा हार्ट अटॅकने मृत्यू झाला होता. या घटनेचा व्हिडीओही सोशल मीडियावर व्हायरल झाला होता. गेल्या काही काळापासून अशा अनेक घटना समोर येत आहेत. ज्यात लोकांना अचानक हार्ट अटॅक येऊन त्यांचं निधन झालं. हैराण करणारी बाब म्हणजे जास्तीत जास्त घटना 20 ते 30 वर्षाच्या तरूणांसोबत घडल्या.
का वाढत आहेत हार्ट अटॅकच्या केसेस?
हृदय आपल्या शरीरातील सर्वात महत्वाचा अवयव असतो. याचं काम पूर्ण शरीरात ऑक्सिजन आणि रक्त पुरवठा करणं आहे. एकप्रकारे हृदय आपल्या शरीरातील इतर अवयव जिवंत ठेवण्याचं काम करतं. गेल्या काही वर्षात हृदयरोग आणि हार्ट अटॅकच्या केसेस वेगाने वाढल्या आहेत. सामान्यपणे 40 ते अधिक वयापेक्षा जास्त लोक ज्यांना हार्ट, हायपरटेंशनसारखे आजार आहेत, त्यांच्यात हार्ट डिजीज जास्त आढळून येतात. पण आता तरूणांनाही हृदयरोग होत आहेत. यामुळे कमी वयातच त्यांचा मृत्यू होत आहे.
लोकांमध्ये हृदयरोगांबाबत फार कमी जागरूकता आहे. एका रिपोर्टनुसार, देशातील 50 टक्के रूग्ण वेळेवर हॉस्पिटलमध्ये पोहोचू शकत नाहीत. अनेकदा लोक हृदयरोगांकडे दुर्लक्ष करतात. छातीत होणाऱ्या वेदनेला गॅसची समस्या समजतात आणि मग स्थिती आणखी बिघडते. ज्यामुळे हार्ट अटॅक येतो. तज्ज्ञांनी सांगितलं की, कोरोनानंतर अनेक लोकांमध्ये रक्त पातळ झाल्याची समस्या बघण्यात आली आहे. हृदयाच्या आर्टरीजमध्येही ब्लड क्लॉट तयार झाल्याने हार्ट फंक्शन प्रभावित होतं, ज्याने हार्ट अटॅक येतो.
- जर परिवारातील एखाद्या सदस्याला हृदयरोग असेल तर त्यामुळे कमी वयाच्या लोकांनाही हृदयरोग होण्याची शक्यता असते.
- डायबिटीसच्या रूग्णांनाही हार्ट अटॅक येण्याचा धोका जास्त असतो.
- त्याशिवाय तरूणांमधील हायपरटेंशनची समस्याही हार्ट अटॅकचं कारण ठरू शकते.
- जास्त वजन आणि लठ्ठपणामुळे हृदयरोग होतात.
- सिगारेट, दारूचं सेवन केल्यानेही हृदयरोग वाढतात.
- खाण्या-पिण्याच्या चुकीच्या सवयी आणि तणावामुळे हार्ट अटॅकचा धोका वाढतो.
हार्ट अटॅकची लक्षणे ओळखा
या आजारापासून वाचवण्यासाठी सगळ्यांना याच्या लक्षणांकडे बारकाईने लक्ष देण्याची गरज आहे. अनेकदा लोक हार्ट अटॅकला छातीत वेदना होण्याच्या समस्येला गॅसची समस्या समजतात. त्यामुळे गरजेचं आहे की, तुम्ही याच्या लक्षणांकडे लक्ष द्या.
गॅसची समस्या झाली तर डाव्या हातात वेदना, घाबरलेपणा आणि घाम येत नाही. त्यामुळे जर छातीत दुखत असेल तर वेळीच डॉक्टरांचा सल्ला घ्यावा.हार्ट अटॅक दरम्यान होणारी वेदना गॅस किंवा इतर आजारापेक्षा वेगळी असते. यात छातीत दबाव, आखडलेपणा किंवा पिळल्यासारखं वाटतं.तसेच, थंड घाम येणे, थकवा जाणवणे, अस्वस्थता वाटणे, उलटीसारखं वाटणे, चक्कर येणे या लक्षणांचाही समावेश आहे.
हार्ट अटॅकची लक्षणे दिसली तर काय करावं?
डॉक्टरांनी सांगितलं की, जर एखाद्या व्यक्तीला हृदयरोग असेल आणि अचानक त्याला हार्ट अटॅकची लक्षणं दिसली तर त्यांनी लगेच घरातील लोकांना, नातेवाईकांना, शेजाऱ्यांना किंवा अॅम्बुलन्सला बोलवावं.
अचानक हार्ट अटॅकची लक्षणे दिसली तर घरात असलेली एस्पिरिन(डिस्प्रिन)ची गोळी खावी. जर तुम्ही ही गोळी पाण्यासोबत गिळण्याऐवजी चावून खाल तर जास्त फायदा होईल.
जर एखाद्या व्यक्ती हार्ट अटॅकची लक्षणे दिसली तर तुम्ही त्यांचा जीव वाचवण्यासाठी CPR ची मदत घेऊ शकता. CPR एक अशी स्थिती आहे ज्यात छातीवर हाताने पुन्हा पुन्हा दबाव दिला जातो. जेणेकरून त्यांचं ब्लड सर्कुलेशन सुरू रहावं. त्यासोबतच हार्ट अटॅकच्या स्थितीत व्यक्तीला बेसिक लाइफ सपोर्ट आणि अॅडव्हांस लाइफ सपोर्ट दिल्यानेही फायदा होतो.