बॉलिवूडमध्ये ब्लॉकबस्टर ठरलेल्या रॉकस्टार या चित्रपटातून आपल्या कारकिर्दीची सुरुवात करणारी अभिनेत्री नरगिस फाखरी अनेक तरूणांच्या गळ्यातील ताईत बनली आहे. असं असलं तरी आपला हॉटनेस आणि सेक्सी फिरगसाठी ओळखली जाणारी नरगिस सध्या एका वेगळ्याच गोष्टीमुळे चर्चेत आहे. सध्या नरगिस आपलं वजन कमी करण्याच्या प्रयत्नात आहे. नरगिसने आपल्या इन्स्टाग्राम अकाउंटवरून दोन फोटो असलेली एक पोस्ट शेअर केला आहे. त्या दोन फोटोंमध्ये नरगिस फार वेगळी दिसत आहे. हे फोटो पाहून तुम्हालाही विश्वास बसणार नाही की, खरचं नर्गिसने एवढं वजन वाढवलं होतं.
नरगिस फाखरीने आपल्या इन्स्टाग्राम अकाउंटवर वजन कमी केल्यानंतरचा आपला फोटो आणि वजन वाढलेलं तेव्हाचा फोटो एकत्र शेअर करताना लिहिलं आहे की, 'अनेकदा पब्लिक लाईफ जगणं फार कठिण होऊन जातं. ही लाइफ जेवढी चांगली आहे तेवढ्याच तिच्या नकारात्मक बाजूदेखील आहेत. मागील दोन वर्षांमध्ये माढं वजन फार वाढलं होतं. पण सध्या मी माझं वजन 10 किलो कमी केलं आहे. मी माझी संपूर्ण लाइफस्टाइल बदललेली आहे. मला यामुळे फार मदत होत असून वजन कमी करण्याचं काम जर मी करू शकते तर तुम्हीही नक्कीच करू शकता.'
नरगिस फाखरी आपल्या फिटनेससाठी सध्या फार मेहनत घेत आहे. तिचं हे फिटनेस फ्रिक होणं तुम्ही उदाहरण म्हणून घेऊ शकता आणि तुम्हीही तुमच्या वजनावर नियंत्रण मिळून शकता. नरगिस आपल्या फिटनेससाठी काय-काय करते त्यासाठी तिच्या काही जुन्या इन्स्टाग्राम पोस्ट पाहू शकता.
नरगिस फाखरी आपल्या फिटनेससाठी योगाही करते. योगामुळे व्यक्ती शरीराची इम्यूनसिस्टम ठिक राहण्यास मदत होते आणि वजन कमी करण्यासाठीही मदत होते.
दरम्यान नरगिस फाखरी काही दिवसांपूर्वी एका फेक न्यूजमुळे चर्चेमध्ये आली होती. नरगिस गरोदर असल्याचे एका वेबसाइटने खोटं वृत्त दिलं होतं. याव्यतिरिक्त नरगिस फाखरी अभिनेता उदय चोपडासोबत अफेअर आणि लग्नाबाबतच्या वृत्तामुळेही चर्चेत आली होती.