अंडरवेअर हे तसं सगळ्यांसाठीच महत्वाचं वस्त्र आहे. पण त्याच्यावर फार कुणी लक्ष देत नाही. पण आता फॅशन विश्वात होत असलेल्या बदलांमुळे अंडरवेअरबाबत बदल बघायला मिळत आहे. अंडरविअर इतकी महत्वाची असूनही लोक त्याबाबत बिनधास्तपणे बोलताना दिसत नाहीत. मात्र, अशाही काही गोष्टी आहेत ज्या प्रत्येक पुरूषांना माहीत असल्या पाहिजे.
अंडरविअर वेगवेगळ्या रंगात, डिझाइन आणि साइजमध्ये मिळतात. जगभरात अंडरविअरचा बाजारही वाढला आहे. अंडरवेअर कुणी खरेदी करत नाही असं शोधूनही सापडणार नाही. पण तरी सुद्धा बरेच लोक याबाबत जास्त काही बोलत नाहीत. चला जाणून घेऊ असे काही प्रश्न जे विचारण्यात अनेकजण अडखळतात.
दोन दिवस एकच अंडरवेअर घालणे कितीपत योग्य?
दोन दिवस लागोपाठ एकच अंडरवेअर घातली जाऊ शकते. याने आरोग्याला काही फार नुकसान होत नाही. जर तुम्हाला दिसत असेल की, अंडरवेअर स्वच्छ आहे तर तुम्ही पुन्हा घालू शकता. पण जर तुम्हाला त्वचेसंबंधी काही समस्या असेल किंवा तुम्हाला जास्त घाम येत असेल तर अंडरवेअर रोज बदलली पाहिजे. असं केलं नाही तर तुम्हाला इन्फेक्शन होऊ शकतं.
कापड किती महत्वाचा असतो?
होय नक्कीच. अंडरविअरच्या फॅब्रिकचा तुमच्या आरोग्यावर प्रभाव पडतो. सामान्यपणे कॉटनच्या मुलायम कापडाच्या अंडरवेअर वापरण्याचा सल्ला दिला जातो. याने तुम्हाला येणारा घाम सुकतो आणि हवाही खेळती राहते. काही खेळाडूंना सिंथेटिक आणि पॉलिएस्टरच्या फॅब्रिकपासून तयार अंडरवेअर घालणं सहज वाटतं.
जर अंडरविअर वापरलीच नाही तर काय?
एका सर्व्हेनुसार, एक चतुर्थांश अमेरिकन कधी-कधी विना अंडरविअर घालताच बाहेर पडतात. एक्सरसाइज दरम्यान जर तुमचे कपडे फिट असतील आणि तुम्हाला त्वचेसंबंधी काही समस्या नसेल तर तुम्ही अंडरवेअर वापरली नाही तरी चालेल.
कशी असावी अंडरविअर?
जर अंडरवेअर स्वच्छ आणि कोरडी असेल तर दुसऱ्या दिवशीही वापरता येऊ शकते. जर तुम्हला त्वचेसंबंधी समस्या असेल किंवा घाम जास्त येत असेल तर इन्फेक्शनपासून वाचण्यासाठी धुतलेली अंडरवेअर वापरा. एक्सरसाइज वेळी अंडरवेअरची निवड विचार करून करा. कॉटनची आणि तुम्हाला सहज वाटेल अशी अंडरवेअर वापरावी. अंडरवेअरसाठी जास्त फॅशनचा विचार करू नका, तशीही ती दिसत नाही.