Quitting tea benefits: जास्तीत जास्त लोक त्यांच्या दिवसाची सुरूवात एक कप गरमागरम चहाने करतात. चहा घेतला नाहीतर अनेकांची कामेही व्यवस्थित होत नाहीत. अनेकांना चहाची सवय लागलेली असते. काही लोक तर असे असतात जे दिवसातून कितीतरी कप चहा पितात. पण अनेकांना हे माहीत नसतं की, चहाचं अधिक सेवन केल्याने वेगवेगळ्या गंभीर समस्या होतात. अशात तुम्ही एक महिना चहाचं सेवन केलंच नाही तर आरोग्याला अनेक फायदे मिळू शकतात. चला जाणून घेऊ एक महिना चहा पिणं बंद केल्यावर काय फायदे होतात.
स्ट्रेस दूर होईल
अनेकजण स्ट्रेस कमी करण्यासाठी अनेक कप चहा पितात. पण चहामध्ये भरपूर प्रमाणात कॅफीन हे तत्व असतं. याचं जास्त सेवन केल्याने स्ट्रेस वाढतो. अनेक झोप न लागण्याची समस्या देखील होते. अशात तुम्ही एक महिना चहा बंद केला तर तुमचा स्ट्रेस कमी होण्यास मदत मिळेल.
पचन तंत्र चांगलं होईल
चहाचं जास्त सेवन केल्याने पचन तंत्रावर वाईट प्रभाव पडतो. अशात तर तुम्ही एक महिना चहा न पिण्याचा निर्णय घेतला तर तुम्हाला अ‍ॅसिडिटी, ब्लोटिंग, छातीत जळजळ अशा समस्या होणार नाहीत.
चांगली झोप येईल
एक्सपर्ट सांगतात की, चहाचं जास्त सेवन केल्याने झोप प्रभावित होते. याला कारण चहामधील कॅफीन हे तत्व असतं. जर तुम्हाला चांगली झोप घ्यायची असेल तर एक महिना चहा सेवन बंद करून बघा. याने तुमच्या झोपेची गुणवत्ता सुधारेल.
डिहायड्रेशनची समस्या होणार नाही
जर तुम्ही एक महिना चहाचं सेवन बंद केलं तर तुम्हाला डिहायड्रेशनची समस्या होणार नाही. चहामधील कॅफीन शरीरातील पाण्याचं प्रमाण कमी करतं. शरीरात पाणी कमी झालं तर वेगवेगळ्या समस्या होतात.
हर्बल चहा फायदेशीर
ज्या लोकांना चहा पिण्याची खूप जास्त सवय असते त्यांना चहा सोडल्यावर काही समस्या होऊ शकतात. अशात असे लोक हर्बल चहाचं सेवन करू शकतात. जर तुम्ही खरंच एक महिना चहाचं सेवन बंद केलं तर शरीरात भरपूर बदल दिसून येतील.