HEALTH : दम्यावर ‘अद्रक’ गुणकारी!

/>दम्याचा विकार अत्यंत त्रासदायक असतो. फुफ्फुसातील पेशी आकुंचन पावल्याने फुफ्फुसात श्वास पूर्णपणे आत न घेताच बाहेर सोडला जातो. त्यामुळे बराच त्रास होतो. दम्याच्या त्रासाने अनेक जण त्रस्त असून बऱ्याच उपायांनीदेखील या त्रासापासून सुटका होत नाही. मात्र दम्यावर अद्रक म्हणजेच आले वापरून या त्रासापासून नियंत्रण मिळवता येऊ शकते. 

काय उपाय कराल?
* अद्रक व लसूण दोन्ही दम्यासाठी गुणकारी आहेत. दम्याच्या सुरुवातीच्या अवस्थेत ३० मिली दुधात लसणाच्या पाच कळ्या उकळून हे मिश्रण दररोज घेतल्याने लाभ होतो. याशिवाय आल्याच्या गरम चहात लसणाच्या दोन कळ्या मिसळून सकाळ-संध्याकाळ घेतल्याने दम्यावर नियंत्रण मिळवता येते. 

* आल्याच्या रसात मध मिसळून चाटण घेतल्याने सर्दी, खोकला नाहीसा होतो. 

* कांद्याचा रस, आल्याचा रस व तुळशीच्या पानांचा रस मधात मिसळून सकाळ-संध्याकाळ घेतल्याने दमा नष्ट होतो. 

* एक ग्रॅम आल्याचा रस एक चमचा पाण्यात मिसळून सकाळ-संध्याकाळ घेतल्याने दमा व श्वसनसंबंधित रोग नाहीसे होतात. 

* पिंपळी व सैंधव मीठ कुटून चूर्ण बनवा. यामध्ये आल्याचा रस मिसळून रात्री झोपण्यापूर्वी घ्या. यामुळे दमा, खोकला व कफ नष्ट होतो. 

* आल्याच्या पाकात तेजपान व पिंपळीचे चूर्ण मिसळून चाटण घेतल्याने श्वासनलिकेत साठलेला कफ निघून जातो व दम्याचा त्रास कमी होतो.