कोरोना व्हायरसच्या वाढत्या कहरात लक्षणांमध्ये मोठ्या प्रमाणात बदल झालेला दिसून येत आहे. व्हायरसच्या संक्रमणाचा सामना करवा लागल्यास व्यक्तीला तापासह इतर लक्षणांचा सामना करावा लागतो. अशी अनेक प्रकरणे आहेत ज्यात लोकांना ताप येत नाही. परंतु त्यांची चाचणी पॉझिटिव्ह असल्याचे दिसून येत आहे. तर अशा परिस्थितीत आपण कोणती इतर लक्षणे ओळखू शकता ज्यामुळे आपल्याला कोरोनाचा संसर्ग झाला आहे की नाही हे कळेल. याबाबत माहिती देणार आहोत. अमर उजालाशी बोलताना डॉ. परवेज मलिक यांनी यााबबत अधिक माहिती दिली आहे.
लाल डोळे
कोरोनाचे बरेच प्रकार आहेत आणि जेव्हा एक नवीन स्ट्रेन लक्षात आला तेव्हा त्यात असे लक्षण आढळले की त्या व्यक्तीचे डोळे हलके लाल किंवा गुलाबी असू शकतात. डोळ्यांमध्ये लालसरपणा, डोळ्यात पाणी येणे, सूज येणे देखील याची लक्षणे आहेत.
श्वास घ्यायला त्रास होणं
कोरोनाच्या पहिल्या लाटेच्या तुलनेत, दुसर्‍या लाटेत असे दिसून आले आहे की कोरोनामध्ये संसर्ग झालेल्या लोकांना श्वास घेण्यात त्रास होत आहे. अशा परिस्थितीत ऑक्सिमीटरच्या सहाय्याने ऑक्सिजनची पातळी तपासणे फार महत्वाचे आहे आणि जर ते 94 च्या खाली असेल तर तुम्ही ताबडतोब आपल्या डॉक्टरांशी संपर्क साधावा.
डायरिया
कोरोनाच्या दुसर्‍या लाटेत, ज्यांना कोरोनाचा संसर्ग झाला आहे अशा लोकांमध्ये, बर्‍याच रुग्णांना अतिसार आणि मळमळ अशी लक्षणे देखील आढळली आहेत. त्यात उलट्या झाल्यासारखी तक्रार आहे.
छातीत दुखणं
आत्तापर्यंत नोंदविल्या गेलेल्या कोरोनाच्या सर्व लक्षणांपैकी, सर्वात घातक लक्षण म्हणजे छातीत दुखणे मानले जाते. अशा समस्या असलेल्या बहुतेक लोकांना रुग्णालयात दाखल करावे लागेल. या प्रकरणात, आपल्याला हे लक्षण हलक्यात घेणं महागात पडू शकतं.
वास, गंध न जाणवणं
जर आपल्याला वास येत नसेल आणि आपल्याला अन्नाची चव नसेल तर ही देखील कोरोना विषाणूची लक्षणे आहेत. ताप येण्यापूर्वीच अशी लक्षणे शरीरात दिसू शकतात.
खोकला येणं
व्हायरल फ्लू आणि कोरोना खोकला यात फरक करणे कठीण असले तरी, सतत खोकला हे कोरोनाचा संसर्ग होण्याचे लक्षण आहे. जर आपल्याला सतत खोकला येत असेल तर आपण डॉक्टरांना भेटले पाहिजे
थकवा येणं
बर्‍याचदा जास्त थकवा किंवा अशक्तपणा देखील कोरोनाचे लक्षण आहे. त्याच वेळी, कोरोनामुळे होणारा थकवा इतर व्हायरसच्या संसर्गाच्या तुलनेतील थकवा सहन करणे कठीण करते. याशिवाय ताप किंवा खोकल्यासह घशात समस्या असल्यास हे लक्षण कोविड -१९ चे आहे.