COVID-19 : कोरोना व्हायरस जगातल्या वेगवेगळ्या देशांमध्ये एखाद्या वादळाप्रमाणे थैमान घालत आहे. लोक यापासून वाचण्यासाठी वेगवेगळे उपाय करत आहेत. पण अजूनही लोकांच्या मनात प्रश्न आहे की, त्यांना संक्रमण झाल्यास सर्वात आधी काय होईल? दरम्यान, द अमेरिकन जर्नल ऑफ गॅस्ट्रोएंट्रोलॉजीमध्ये प्रकाशित एका नव्या रिसर्चनुसार, ज्या लोकांना कोरोना व्हायरस आपला शिकार बनवतो त्या लोकांमध्ये पहिला संकेत जुलाबसारखी पचनासंबंधी समस्या बघायला मिळाली.
याची सामान्यपणे सुरवातीची लक्षणे खालीलप्रमाणे सांगता येतील.
ताप
कोरडा खोकला
श्वास घेण्यास त्रास होणे
छातीत वेदना
निमोनिया
जगभरातील तज्ज्ञ या व्हायरससंबंधी माहिती मिळवण्यासाठी मेहनत करत आहेत. जसजसे रिसर्च केले जात आहेत तसतशी लक्षणांची यादी वाढत आहे. द अमेरिकन जर्नल ऑफ गॅस्ट्रोएंट्रोलॉजीमध्ये प्रकाशित रिसर्चमध्ये चीनच्या हुबेई प्रांतातील कोरोनाची लागण झालेल्या 204 रूग्णांच्या डेटाचा अभ्यास करण्यात आला.
यात वैज्ञानिकांना आढळून आलं की, व्हायरसने संक्रमित होऊन हॉस्पिटलमध्ये आलेल्या रूग्णांपैकी 48.5 टक्के लोकांना जुलाब, उलटी आणि पोटदुखीसारख्या पचनासंबंधी समस्या होत्या. रिसर्चमधून समोर आलं की, कोरोनाचे श्वासासंबंधी लक्षणांआधी व्यक्तीमध्ये पचनासंबंधी समस्या दिसतात. ज्या लोकांना पचनासंबंधी समस्या होत्या त्यांना गंभीर रूपाने समस्यांचा सामना करावा लागला.
जुलाब आणि उलटीची होते समस्या
न्यू इंग्लंड जर्नल ऑफ मेडिसिनमध्ये अमेरिकेआधी कोरोना रूग्णांवर प्रकाशित एका केस रिपोर्टमधून समोर आलं की, त्या रूग्णांना हॉस्पिटलमध्ये दाखल करण्याच्या दुसऱ्या दिवशी सर्वातआधी जुलाब झाले आणि पोटात समस्या होऊ लागली होती. दुसऱ्या एका रिसर्चमधून समोर आले की, व्हायरस मलत्यागाच्या रूपात बाहेर येतो, ज्याप्रमाणे जुना व्हायरस म्हणजे SARS and MERS बाहेर येत होते.
पचनक्रिया होते प्रभावित
द अमेरिकन जर्नल ऑफ गॅस्ट्रोएंट्रोलॉजीचे को-एडीटर इन चीन आणि एडी ब्रेनन एम.आर. स्पीगल म्हणाले की, कोरोनाने पीडित रूग्णांमध्ये पचनासंबंधी लक्षणांची भूमिका आणि प्रभवा समजून घेण्यासाठी आणखी रिसर्च करण्याची गरज आहे.
या रिसर्चमध्ये पचनासंबंधी लक्षणे असलेल्या व्हायरसने संक्रमित रूग्णांमध्ये मृत्यू दर अधिक आढळून आला. तर ज्यांना पचनासंबंधी समस्या नव्हती त्यांचा मृत्यू दर कमी दिसला. त्यामुळे जुलाबसारख्या लक्षणांवर जोर दिला जात आहे. जेणेकरून संक्रमणाच्या सुरूवातीच्या लक्षणांसोबत श्वसनासंबंधी लक्षण विकसित होऊ नये आणि त्यांची माहिती आधीच मिळवावी. याने कोरोनाची माहिती लगेच मिळेल. इतरांना वाचवता येईल.
पचनक्रिया चांगली ठेवण्यासाठी
- फायबरचं प्रमाण अधिक असलेल्या पदार्थांचा आहारात समावेश करा. धान्य, फळं, भाज्या आणि शेंगाचं सेवन करा.
- भरपूर पाणी प्यावे.
- धुम्रपान, अधिक कॅफीन आणि अल्कोहोलपासून दूर रहा.
- पपई, डाळिंब, संत्री, आंबे, पेरू अशी फळं खावीत. याने पचनक्रिया सुधारते.
- तसेच रोज सकाळी एक्सरसाइज करावी.