व्हायरल सर्दी-तापाचे संकट; रुग्णालयांमध्ये वाढली मुलांची गर्दी !

गोंदिया : कधी ऊन तर कधी पाऊस यामुळे सतत वातावरणात होणाऱ्या बदलामुळे लहान मुलांवर वातावरणाचा परिणाम होत असून, घरोघरी तापाची साथ पसरली आहे. सर्दी, खोकला आणि ताप अशी लक्षणे आढळणारे रुग्ण घरोघरी दिसत आहेत, परंतु आपल्याला कोरोना तर झाला नाही या धास्तीत असलेल्या लोकांनी चाचणी केल्यावर त्यांची कोरोना चाचणी निगेटिव्ह आली आहे. शहराबरोबर ग्रामीण भागातही डेंग्यूचा प्रादुर्भाव वाढला आहे. मलेरियाचेही रुग्ण पुढे येऊ लागले आहेत. व्हायरल फिव्हरचा जोर असल्याने गावागावात सर्दी-तापाचे रुग्ण आढळून येत आहेत. उपचारासाठी रुग्णालयात गर्दी वाढली आहे. ग्रामीण भागापासून तर शहरी भागापर्यंतचे रुग्णालय हाऊसफुल्ल होताना दिसत आहेत.

...................

ही घ्या काळजी

एखाद्या घरातील व्यक्तीला ताप आला किंवा सर्दी झाली तरीही त्या व्यक्तीला सामान्य लोकांपासून थोडे वेगळे ठेवा. वेळीच डॉक्टरांचा सल्ला घ्या. डॉक्टरांच्या सल्ल्याशिवाय औषधे घेऊ नका, ताप येणाऱ्या व्यक्तीसोबत राहताना घरातील इतर व्यक्तींनी आपली काळजी घ्यावी.

............

कोरोना नाही; डेंग्यूचे संकट वाढते

कोरोनाचा प्रादुर्भाव कमी आहे, परंतु डेंग्यूने पाय पसरणे सुरू केले आहे. गोंदिया शहरात मोठ्या प्रमाणात डेंग्यू पसरला आहे. डेंग्यूमुळे यंदा छोट्या गोंदियातील एका तरुणीचा मृत्यू झाला आहे.

......................

गोंदियातच हजारो मुले आजारी

रुग्णालय----------------------ओपीडी-------------------दाखल बालरुग्ण

केटीएस--------------------------६६८३........................... ६६

बाई गंगाबाई स्त्री----------------२१३३...........................४२

तिरोडा उपजिल्हा रुग्णा.--------२२५०............................३७

ग्रा. रु. आमगाव------------------१७५८----------------------०५

ग्रा. रु. देवरी----------------------१३८१----------------------०९

ग्रा.रु. चिचगड---------------------८३७------------------------०२

ग्रा. रु. सडक-अर्जुनी--------------२३८६------------------------०४

ग्रा. रु. सौंदड------------------------८००------------------------०१

ग्रा. रु. नवेगावबांध----------------१४८९-------------------------०४

ग्रा. रु. अर्जुनी-मोर----------------३२३६--------------------------०८

ग्रा. रु. रजेगाव---------------------१०२२--------------------------०५

ग्रा. रु. सालेकसा-------------------२६७३--------------------------०३

ग्रा. रु. गोरेगाव---------------------१३१२--------------------------०२

...................

कोट

सध्या व्हायरल फिव्हर मोठ्या प्रमाणात सुरू आहे. डेंग्यू व ब्रेन मलेरियाचेही रुग्ण वाढत आहेत. लहान बाळांना अस्थमा सारखा आजार दिसून येत आहे. लहान मुलांवर व्हायरल फिव्हर जोर पकडत आहे. यंदा डायरिया व डिसेन्ट्रीचे प्रमाण नगण्य आहे.

- डॉ. प्रदीप गुजर, बालरोगतज्ज्ञ, गोंदिया.