स्वच्छ प्रतिमेच्या उमेदवाराला निवडा

प्रभाग क्रमांक १ मधील ही पोटनिवडणूक मतदारांच्या विवेकाची निवड करणारी निवडणूक आहे.

विशाल अग्रवाल : प्रभाग क्रमांक १ मधील प्रचारसभा
गोंदिया : प्रभाग क्रमांक १ मधील ही पोटनिवडणूक मतदारांच्या विवेकाची निवड करणारी निवडणूक आहे. क्षेत्राचे प्रतिनिधित्व करणारी व्यक्ती सर्वसामान्यांना सरलतेने मिळणारा व त्यांचे रोजचे काम करवू शकणारा हवा. याकरिता स्वच्छ प्रतिमेच्या व सामाजिक पार्श्वभूमी असलेल्या उमेदवाराला निवडून क्षेत्राच्या विकासात हातभार लावा, असे आवाहन आ. गोपालदास अग्रवाल यांचे प्रतिनिधी विशाल अग्रवाल यांनी केले.
प्रभाग क्रमांक १ मधील पोटनिवडणूक प्रचारार्थ बुधवारी (दि.११) पोवार बोर्डींगमध्ये आयोजीत प्रचार सभेत ते बोलत होते. सभेच्या अध्यक्षस्थानी शहर कॉंग्रेस कमिटी अध्यक्ष अशोक चौधरी होते. याप्रसंगी चौधरी यांनी, कथनी व करनीत अंतर ठेवून भारतीय जनता पक्षाने सत्ता मिळविली. मात्र जनता आज ही विकासाच्या प्रतिक्षेत आहे. खोटे आश्वासन देऊन सत्तेत आलेल्या भाजपने लोकांना गुमराह केले असून जेथे-जेथे पोटनिवडणुका होत आहेत तेथे कॉंग्रेसच्या धोरणांप्रती मतदार पुन्हा आकर्षित होत असल्याचे मत व्यक्त केले.
याप्रसंगी डॉ. एन.के. मिश्रा, अ‍ॅड. भुपेंद्र कटरे, नगरसेवक व्यंकट पाथरू, गुरूबचनसिंग बग्गा, राजाराम कावडे, तोमीचंद कापसे, राजू लिमये, पृथ्वीपालसिंग गुलाटी, अमर वराडे, जहीर अहमद, देवा रूसे, सुशील रहांगडाले, बजलीतसिंह बग्गा, सचिन मिश्रा, आशा आठवले, अंकेश हरिणखेडे, धनराज उके, अन्ना नेवारे, ज्ञानीराम कटरे, सुनिल गेडाम, अजय गौतम, मधू मठारे, गुलाब नाईक, प्रमोद डोलारे, अतुल बेलगे व अन्य उपस्थित होते. (शहर प्रतिनिधी)